2017年6月14日 星期三

23.8 弘前 ~ 再次失落於蘋果園


二O一七年四月五日 (晴)

左諗右諗今早還是決定不再去八甲田山, 因為真的不想將時間逼得太緊, 一切隨緣無謂強求, 將來或許還有機會哩, 年長了, 已經沒有了非去不可要去到盡的心態, 換了在以前根本不用考慮一定會再去.

早餐後有人返停車場抹車, 因為車子昨天行了一整天雪路太骯髒了, 見到停車場的伯伯一路看著咪咪笑, 可能沒有見過有人會將不是自己的車抹得那麼徹底.

到達青森空港, 將車停泊在多層停車場後然後接機, 離開時將之前有料道路的收據出閘原來可以對沖停車場收費.
還有記得上次在青森乘搭內陸機回東京時, 因為行李太多怕坐巴士麻煩結果乘的士到機場, 雖然已經忘記收費, 但記得絕對不貴.

青森空港




原本接了女兒後會直去弘前, 不過女兒要到青森縣觀光物產館買手信, 結果又再次折返青森, 幸好路程不太遠.

離開青森往弘前途經的道之駅.





有一間懷舊商店以山田洋次人氣電影男人之苦寅次郎為名.




繼續前往弘前.


再到蘋果園, 因為上次 (失落的弘前) 來時下大雨, 希望今次可以如願看到樹上蘋果, 怎知落車放眼望去全是光禿禿的樹枝, 又是沒做功課的關係, 滿以為春天有蘋果收成.







剛好下午茶時間, 這裡最出名的是咖哩蘋果豬扒, 因為上次已經試過所以轉試其他.







上次夏天來時樹上有小小的蘋果仔.

2010年6月



岩木山.





夏天如果密密的蘋果樹一定很美, 可惜上次大雨沒有上去看.






Super Hotel Hirosaki (スーパーホテル 弘前)


這次三人給了一間大房.




放好行李後當然去探望弘前犬 , 剛好在酒店附近, 但在這裡行了一圈找不到牠的踪影.


原來連弘前犬也要避雪放在室內, 夏天是在室外的 (尋找弘前犬@弘前).


2015年6月

日本聖公會弘前昇天主堂.


跟著到附近的シェ・モア(CHEZ-MOI) 晚餐, 記得在羊羊的 blog 看到便愛上這間餐廳, 沒有訂位還担心會不會要等, 結果整個晚餐時段一個多小時像是包場, 中間只是一次外賣蘋果批.












23.7 青森 ~ 陽光雪影 @ 十和田湖


23.9 弘前 ~ 三度漫步弘前城






57 則留言:

  1. 只有你們一枱客,包場真係正,我上次去是星期日,都好多客人﹗

    回覆刪除
    回覆
    1. 因為得我地一枱客關係,所以全店人既焦點都喺我地度有啲唔自在,尤其是知道我個女識日文,每道菜都係大廚拎出來跟住介紹一番至有得食:P

      刪除
    2. 最慘係佢講完我地都唔知係乜XD

      刪除
    3. 你個女無講番俾你聽咩?

      刪除
    4. 佢淨係講俾我地聽ED乜湯,乜魚,但係大廚係講名稱佢都唔識點講XD

      刪除
    5. 我吾識日文,有一個侍應用好簡單英文溝通,另一個吾識英文,就用寫漢字介紹,我最記得個樣食物是鯛魚。

      刪除
    6. 法國菜通常D名都係法文,你個女唔識講都正常,用日文去併法文,有時法國人都未必聽得明,正如日本人講英文一樣,曾經响旅館食過法式夕食,返嚟打menu時上網check先知嗰樣係咩

      刪除
    7. 所以你地唔覺得我通常唔會寫低啲菜名,因為連食過乜都唔記得XP

      刪除
    8. 所以我好多時都會影低個menu等到時返嚟睇相就知自己食過乜

      刪除
    9. menu 我一定唔會記得影,如果酒店食有餐單就會拎,不過拎完就唔記得擺咗去邊,到最後都係唔記得食咗乜XP

      刪除
    10. 唔記得影係因為你為食,掛住食既關係?

      刪除
    11. 係囉,有時連食物都唔記得影,食到一半至記得影,不過唔會擺出來因為覺得幾核突只係俾自己記得就算XD.

      刪除
    12. Sa姐,八掛一問,你覺得哩間好唔好食呢?

      刪除
    13. 喺我黎講係唔錯架,因為對於法國大餐冇乜研究除咗知道多嚿魚之外XD
      和豚媽媽幾時飛東北?

      刪除
    14. 10月22,去11日 主力青森 ,我其實唔好西餐,不過見好
      多人都去食所以想去試吓!

      刪除
    15. 10月奧入瀨紅葉應該好靚:D
      我覺得日本人整既西餐唔錯,唔計味道至少外觀好得.

      刪除
    16. 我今期第一次飛 i菜鵝肶罅 $4000一對飛,連每人46kgs,如果飛得成就真係超筍呀 👍

      刪除
    17. 我第一次聽呢間航空公司,真係非洲機?一對飛即係每人兩張飛飛兩次?啲班次會唔會好疏?

      刪除
    18. 埃塞俄比亞航空公司第一次聽?

      刪除
    19. 第一次聽呢間航空公司飛日本.

      刪除
    20. 作者已經移除這則留言。

      刪除
    21. 我都係見人哋去北海道露營,連營幕帳篷都帶齊晒,好似移民咁,又話埃航包46kgs、有餐食兼787大機直航成田咁筍咪試吓囉 😜
      據我所知,逢三、五、日有機,不過班機由東非經香港飛成田,要冒delay嘅風險就真,只適合我哩啲閒人搭就真 😂

      刪除
    22. to Nerissa : 一對飛係指我同大當家一人一張囉!

      刪除
    23. 和豚媽媽唔記得我都係閒人一個,咁樣又好似多咗一個途徑,唔怪得統計話好多香港人去日本,仲有啲一年去十次添😱

      刪除
    24. 初初我真係以為筍得咁交關買一套送一套下次用,因為有時都見到有promotion 係咁樣。

      刪除
    25. 2K來回連稅、46kgs飛東京,今時今日連好多廉航都未必得,所以1+1我真係唔敢諗太多 🤔 見有時間咪叫埋大當家試吓囉 😄

      刪除
    26. 其實最吸引係46kgs冇後顧之憂可以盡情咁買XDDD

      刪除
    27. 我都係俾46kgs吸引所以先試,今次可以盡情買米同生果!哈哈

      刪除
    28. 哈哈,兩個人差不多100kg,買米有排食咯XD

      刪除
    29. 都帶唔得多啦~ 香港法例規定每人唔可以帶超過15kgs食米咋!啲quota留番嚟托第二樣就真 😜

      刪除
    30. 吓!乜唔係自由貿易咩,我以爲除咗瀕危動植物同違禁品乜都可以無限帶添:P

      刪除
    31. 唔係呀,我知道有人試過托15kgs嘅泰國米,結果係俾海關沒收咗!

      刪除
    32. 不過帶15kg就真係好重。

      刪除
  2. 蘋果園入面果份係漢堡扒?雖然我去過ㄧ次又食過蘋果咖哩豬扒,但有機會去東北的話都想再去多次,因為環境幾舒服,又懷念佢餐廳啲食物,想試多幾款呢!

    回覆刪除
    回覆
    1. 漢堡扒唔係我食,不過好似係魷魚餅話都幾好食架,呢間餐廳餐牌上既食物唔多,仲有啲係季節限定,所以除咗個蘋果咖哩豬扒好似冇其他會食得飽既食物.

      刪除
  3. 睇嚟你真係要plan一次秋天去先得,去過兩次蘋果園都見到青青紅紅的蘋果

    回覆刪除
    回覆
    1. 睇嚟你真係要plan 好啲先得.... 蘋果緊係秋天, 你夏天去無見到青色未熟的在樹上?

      刪除
    2. 我9月去嗰次都見有紅蘋果架...青色係品種關係,不過都有D係半紅半青

      刪除
    3. 作者已經移除這則留言。

      刪除
    4. 我上面嗰句係同 Nerissa講, 我成日都口多多搭訕. XP

      刪除
    5. 3J家庭,呢次返黎俾人埋怨到哩!話冇野睇點解去完又去-_-!
      所以下次再有機會去一定會係秋天:D

      刪除
    6. J少,一切都係我人懶之過想當然冇做好功課:( 因為以為室外冇都會有溫室啩.
      下次去一定係大約在秋季:) 上次夏天因為大雨只係喺外面睇咗一陣真係見到細細既蘋果仔.

      刪除
    7. 我極有理由相係心底想每個地方都去完再去.

      刪除
    8. 係,想去既地方太多時間同錢太少XD

      刪除
    9. 老實講如果有D地方係可以一去再去,去幾多次都可以,就算唔啱季節去都無妨,但如果有D基本上你只會諗住去一次的話,真係要揀個最好嘅時間先好去,以免浪費時間同金錢

      Nerissa,你唔駛返工已經好多時間,我一年大假有限,真正係想去地方太多時間太少,至於錢嗰方便,去旅行係豐儉由人,宜家我有收入就可以經常去日本歐洲,退休後我諗住搵平日返大陸三日兩夜幾舊水玩下咁又可以去旅行

      刪除
    10. 通常去遠既地方(都係日本)我都冇諗過會再去,除咗東京大阪等大城市,不過好難話要揀個最好既時間,因為嗰啲時間一定多人,我好怕人多既地方,所以我都會情願揀頭尾日子避開人潮。
      我唔駛返工但係我老公仲返緊,雖然一次可以去長啲但係就唔可以成日係咁都有啲限制架。

      刪除
  4. 呢個時候想睇蘋果就應該去凍房😆

    回覆刪除
    回覆
    1. 唔知點解蘋果園樹枝光禿禿,但市面上就好多青森蘋果賣仲要好平好新鮮添❓

      刪除
    2. https://www3.nhk.or.jp/nhkworld/en/vod/journeys/20170418/

      08:38 開始睇就有答案

      刪除
    3. t先生你都好鍾意睇NHKWorld,我比較鍾意睇NHKWorld Premium.
      佢好似都冇講點樣貯存啲蘋果.

      刪除
    4. J少,IC唔怪得一年365日都有青森蘋果買.

      刪除
  5. 咦~Super hotel有呢種size的房真係唔多覺眼~佢宜家好多酒店都有大浴場又夠平但市區d房唔夠大唔敢再住~
    青森真係意外地都幾多靚仔餐廳~
    我之前食過的青森靚仔餐廳 : http://hitomi-kong.blogspot.hk/2012/08/day-45-chandola.html

    回覆刪除
    回覆
    1. Super Hotel 有呢種三人房既唔係咁多,我都唔知乜情形會俾到呢種房,不過都住過幾間,有印象係函館同池袋西口,其他有啲冇影就唔記得。
      你地食間餐廳好平又靚,我好似都有經過不過冇留意。

      刪除
  6. 唔記得講, 其實以前一年四季都在室外, 邊會咁得閒一年兩次搬出搬入.
    太多人唔愛惜藝術品, 當佢係玩具咁舞.

    https://hirosaki.keizai.biz/headline/461/

    回覆刪除
    回覆
    1. 唉! 原來係咁既原因,還好上次都喺室外見過.

      刪除