2018年4月20日 星期五

2018 信州之行 ~ 瑣瑣碎碎事

今次以後可能無甚麼機會與女兒去比較長的旅行, 因為她已經在東京找到長工預備 settle down, 但做爸爸的還是不捨得.

到東京那麼多次就是在一,二月也沒有遇見落雪, 今次竟然在第二天下雨雪, 那天冷得要命是在東京從未試過.

從來在東京只會覺得不夠時間, 怎麼會料到今次最後三天要挖空心思想要到那裡 hea, 還有今次住的酒店連早餐的很少, 因為不用遷就早餐時間, 所以很多天都沒有較鬧鐘至自然醒.

今次可說是 "藥之旅", 因為由落機便開始買藥一直到上機返香港, 自駕途中見到"藥"字都會停車買藥, 事緣那天在成田下機, 老公說不知怎樣整到了腰一直在痛, 於是一到池袋便立即買噴劑止痛, 用過後又好像無效, 於是改買水劑搽仍然無效, 再買之前曾經買過返港用的膏裝好像還可以, 最後看電視見到有內服藥試試才奏效. 另外一個就是女兒, 由跟我們去輕井沢第一天開始不舒服, 服食我們帶去的藥無效, 跟著她買回她在日本吃的藥好了小小之後便開始咳, 一直便開始買咳藥, 原本想買那隻上次幫人買的那"咳、痰"藥, 那知行罷長野箱根的藥局竟然買不到, 還有雖然女兒自己在日本也生活了三年懂得照顧自己, 但是她病的那段日子裡仍然是不放心, 晚上見她咳個不停的樣子還是擔心, 怪不得古語都說"養兒一百歲,長憂九十九".

近來日本多了很多外國人前往, 所以發覺他們僱用了很多非本國僱員, 除了很多內地台灣外, 也有很多東南亞的, 我不是歧視但他們的行為是叫人看不起, 話說在長野那些比較少外國人的地方, 當地人都比較親切, 在諏訪那晚晚飯結帳後店員追出店外, 給回他們算錯了的二千多是特殊的例子, 一般人都是有禮貌和客氣的, 但是在箱根旅館就遇上一個沒禮貌和不客氣的, 女兒在日本如果遇上無論是日本人或是外國人與她說英語的她都會說英語, 那天到達旅館時老公留在車, 我和女兒到大堂 Check in, 前台只有一位菲律賓人, check in 前已經問我們三人的一個人在那, 跟著完成手續後但不給鎖匙進房間又再問另一人在那, 語氣是不客氣和沒禮貌好像我們隱瞞了甚麼似的, 於是我與女兒說我們與爸爸一起後你與那菲律賓人講日文, 怎知當女兒說日文後那人的態度180度轉變, 用敬語之外還非常客氣地解釋為什麼要三人一起才入房間, 因為我們住的地方比較偏需要他帶領一起走, 但用英文交談時他完全沒有提到, 很多時在日本都會遇到打工的內地人或者台灣人, 他們的服務態度根本與日本人無異, 但怎麼那個人做不到.

其實還有在萬事得拿車時都覺得受到不客氣對待, 只不過那次是電話, 因為還車當日是早上從箱根回東京, 車程是兩小時, 預定吃罷早餐九時便起行, 預了塞車時間下午一時還車, 拿車時女兒沒有同行, 於是我便用我的半桶水日文溝通說如果因為塞車時費用怎樣計算, 可能車行的職員不明白我的意思, 所以打電話給寫字樓懂英語的同事, 但那人說沒有通融一定要一時還車, 說我要預上塞車時間, 同時語氣方面好差好像我地一定係故意要搵著數, 我說已經預了但若是意外的話我預知不到, 但她還是要堅持而且非常不客氣, 之前在豐田租車遇到這情形都是補回差額便可以, 所以也不再爭辯嘥時間唯唯諾諾便算, 但心裡很不好受. 就是人比人會比死人, 回來之後再一次租車去千葉, 這趟租回 Toyota, Toyota 方面都有提及如果逾時交車的話只要打電話通知回來補差額已經可以, 沒有萬事得電話那種惡形惡相, 好像遲還車就十惡不赦一樣.

另外日本人對包裝方面很上心, 但是遇到一處地方買了很多隻會打破的擺設, 結果因為趕收工的關係只用袋仔袋了, 結果那晚幸好找到100円店買到泡泡紙自己逐隻包好.

這次租的 Mazda CX-3, 但拿車的一刻已經後悔沒有租CX-5, 一直以為這車應該與我們自家用開的M3差不多大細, 一家三口加行李都裝得下, 怎知這車很難才塞入所有行李, 直到後來重新整理過才鬆動點可以裝多一點東西.







自駕這麼多次一直都是依賴GPS, 今次由拿車那刻不知是換了租車公司關係, GPS是用不慣還是甚麼,  總之就是覺得有問題, 我們從輕井沢經草津再到湯田中, 在網上搜尋過由草津到湯田中行車時間不用一小時, 那天四時許由草津出發, 預算五點多便到湯田中, 但GPS顯示出來是八時才會到, 再用 Google map 仍然是不足一小時, 於是便懶醒不跟GPS改用Google map 沿國道292號去不會有錯的, 那知行了三十分鐘之後到達一路口見到封路, 才如夢初醒記起之前草津白根山爆發封了路, GPS顯示的是繞路的行車路線所以要兩個多小時, 這時再 set GPS 顯示到達時間已是差不多十時, 於是問題是繼續前往還是回輕井沢再住一晚明天再起程, 最後是決定去湯田中, 女兒於是打電話給旅館說明我們會遲到和可能趕不上晚餐, 幸好當晚的是自助餐旅館說只要在 close 前到都沒問題, 就這樣司機便發揮了他的行車本色, 結果我們在八時前到達剛好趕及.

最後, 自駕這麼多次一直都不知GPS的VICS 是甚麼, 有甚麼用途, 只知道一路行車時間會改變, 請問有沒有朋友可以給我答案, 謝謝 !





23 則留言:

  1. VICS =Vehicle Information and Communication System :)
    租車前其實都可以去車行望望相關車款咪就知適唔適合 :)

    回覆刪除
    回覆
    1. http://www.vics.or.jp/en/vics/index.html

      刪除
    2. 明白, t 先生唔該晒, 你有冇用過 VICS?

      刪除
    3. 本來都想喺香港車行睇吓架車,不過最後都冇時間去睇,又覺得應該同我地架車差不多大細, 我地架車吉咗個尾箱可以擺到嗰三大件行李.
      又你都知去車行睇車交換卡片之後會好唔得閒, 尤其係同廠車又見到你嗰架係老爺車添XD

      刪除
    4. VICS係電波廣播, 如果車內 GPS 見到 VICS 即係可以收到即時交通情况, 係唔需要自己 set. 前幾年我都有留意到當路上有些工程, 車內 GPS 都會顯示個 icon, 不過我比較喜歡用 google maps 導航, 所以都不理會車內 GPS, google 導航亦有利弊, 因為佢係靠 data on line 導航, 佢亦都有 VICS 特性, 不過如果某地方接收不良, 就真係企左係度.

      已我所知 CX3好似係部升高左嘅 m2, 去過車行睇車最唔睬人係痾C, 馬莎雖然話又預約, 咪又求其泊車入佢地車房就行入去, 波子好招呼, 又茶又咖啡 :)

      刪除
    5. E 大小姐, 架車唔係雪軚喎

      刪除
    6. 唔怪得一路上用GPS都會有修路同塞車既資訊出現.
      估唔到今次第一次用google就甩轆,遇到封路但係google冇update.
      架車我地冇加雪軚只係加AWD,所以車行知道我地去長野都有啲緊張,千叮萬囑叫我地避免夜間行車驚會落雪.

      刪除
  2. 東南亞員工暫時我還未遇到,今次在倉敷及岡山的酒店有不少外國人入住,還要是旅行團形式,酒店職員仍然是日本人,可能佢哋D英文能力都可以應付到而無需請外傭

    回覆刪除
    回覆
    1. 可能我地一路都係喺長野,遇到既人都好好, 箱根嗰個當佢知道我個女識日文後就改變態度,晚上食飯佢負責我地,服務態度已經唔同,個女話佢可能驚我地投訴.
      我地喺箱根住咗兩間旅館,第二間嗰位員工既熱情同好客態度形成落差好大,不過就將之前既唔開心一掃而空.

      刪除
  3. 日本出名準時,包括準時收工,好多年前我都遇過一次類似嘅情況,當時大約 4:45pm 左右,入一間紀念品店看中了一件 Hello Kitty 陶瓷擺設,正諗緊買邊款嘅時候,留意到個店員由我地踏入紀念品店至到俾錢 (大約4:55pm) 都係好黑臉,後來講起先發覺應該係我地入鋪頭嘅時間將近 5pm 放工時間,阻住佢預備收工啦 !

    回覆刪除
    回覆
    1. 我地又衰啲一買就十幾隻,要逐隻用心去包佢一定唔可以準時收工,好在佢都會分袋,不過我拎住都驚一隻撞一隻會撞爛.
      不過今次又遇到另一工作態度,喺池袋間Snoopy我地又係買到佢閂門,我地仲要買幾隻杯,佢地好小心包又盒裝添.

      刪除
  4. 愈近奧運年情況可能會愈明顯,所以奧運年我唔打算去日本

    回覆刪除
    回覆
    1. 以前去日本如果係講英文佢地會好好禮貌,今次覺得完全相反你講英文佢地既語氣就唔好。

      刪除
  5. 完全感受到識日文同唔識日文嘅分別真係差天共地。我同朋友去,每次同賓至如歸; 同家人去,好似異型咁遇過好多次無咁如意嘅對待。

    封路呢單嘢,我上次去冬天去磐梯高原嘅得着係,一定要事前睇番酒店官網點介紹行車路線。我上次GPS無顯示封路,兜到天黑心到慌埋!諗住forfeit旅館添呀!

    回覆刪除
    回覆
    1. 輝哥,我完全明白你當時既心情,見到封路嗰刻真係好徬徨唔知點好,繼續去旅館既話肯定會好夜,但係返轉頭訂咗既酒店食物又唔知點算.
      其實係而家太多遊客,唔理佢地係乜國家既人好多都喺度破壞緊日本人守既規矩,好似我地對於強國人一樣.但係我遇到嗰個菲律賓人既工作態度肯定要再培訓.

      刪除
  6. 呀女咁快搵到工,恭喜哂!果然係叻女

    回覆刪除
    回覆
    1. 多謝和豚媽媽, 佢都算叫做搵得快,之前幾個月前學校介紹過一份唔啱之外,三月畢業開始搵都叫做快,而家這間仲係外國公司,希望佢可以做落去累積多啲經驗.

      刪除
  7. "從來在東京只會覺得不夠時間, 怎麼會料到今次最後三天要挖空心思想要到那裡 hea.",由於你女兒在東京關係,近年每次去日本都會去東京,就算唔係全程都總會有幾日,去得太多太密便會唔知去邊好,不過將來你都可能會係咁因為個女會settle down 响東京。

    我好少會經常去同一個地方,今次去東下次去西,去慣鄉郊地方唔太喜歡大城市,怕人多車多。

    回覆刪除
    回覆
    1. 係呀3J家庭,而家個女做長工應該冇咁易請假回港,所以可能我地都會去密啲,到時已經唔可以淨行街買野要搵新地點行咯,唔係真係行到悶.
      同時第時住酒店都唔會住池袋上野,會住近個女住喺埼玉縣都算唔係大城市XD

      刪除
    2. 我相信中英日語都識加上又有日本工作經驗宜家响日本應該唔難搵,仲可能好吃香添,只係睇下你喜唔喜歡啫...就算幾年後返嚟香港都有好多日本公司會請,視乎佢想唔想返嚟

      刪除
    3. 多謝3J家庭,承您貴言,我都希望佢順風順水,至於返唔返嚟香港都係女大女世界,正如我老公就話佢搵工時好想佢搵到,到佢而家搵到又覺得有啲失落.

      刪除
    4. 咁話哂得一粒女嘛,我好明白,如果我個粒仔去外國工作,我都可能會覺得有啲失落,不過宜家香港咁嘅樣,我情願佢出外發展好過留响香港

      刪除
    5. 同意,我都情願佢出去踫機會好過留喺度好無望咁唔知前途會點。

      刪除