回水一皮, 冇得出埠改為本土消費.
想換 AM 好耐, 但係只係諗起搬櫃插線已經頭痕, 之前玩 7.1 駁八個喇叭, 又因為要連接三部藍光機同DVD機, 又遊戲機 CD機簡直煩到爆.
而家返璞歸真只玩立體聲, 一個低音喇叭加左右兩側搞掂, 其實因為而家電視有 App, 好多電腦睇既都可以喺電視睇, 例如 youtube 都可以攤喺梳化睇, 至緊要係聲音可以用AM 出效果好好多, 而家連AM 都可以上網用串流平台聽歌, 又可以用藍芽射電話 ipad 過去方便無比, 加上而家已經好少買藍光碟同DVD, 全部在收費電視或者 Netflix 都可以足不出戶就睇到.
氣炸鍋換過大的.
用 Asia Miles 換的用了兩次便送人.
再換埋手提吸塵機, 舊的那部真係壽終正寢不能再用.
連 DVD 機都不要了只留藍光, 這堆加四個後置喇叭都是只賣到一百五十大元.
賣了三張篤眼篤鼻 CD 盛惠四百大元, 沒有那麼蠢整爛掉咗就算.
內容有意思，正 ! 👍💪
回覆刪除多謝🙏
刪除Hi, 你好! 請問舊CD是在那裡賣的? 可以賣到四百元^^
回覆刪除你好, 係嗰啲週圍擺看版寫住收舊CD, whatapp 問吓佢收唔收影俾佢, 傾好價錢然後約地方交收.
刪除好的, 屋企都有一堆這類CD, 等我都問下, 謝謝!
回覆刪除唔駛客氣 :D
刪除大小姐, 你地共三皮嘢都都用得精彩, 而我果一皮嘢已石沉股海😭
回覆刪除譚某CD自1988年買咗部sorry CD機開始就每年就進貢$88X2, 都儲埋一堆可惜留咗喺星洲, 原來可以賣番出去. 我有安全地带玉置浩二同許冠傑簽名😂
馬蘭仕已前好巴閉, 唔知現在仲有無產品. 八十年代我仲有部 nakamichi cassette deck, 可惜呢間公司最终都執埋笠, 好似近幾年的 nikon咁,相機産品每况越下,真係唔知會唔會汁埋.
我地唔識投資都係唔掂股票呢啲，用喺實質嘢方面，剩咗咪買晒外幣，港資銀行都費事擺咁多港紙。
刪除其實CD收買佬都好揀擇唔係個個啱，日本仔佢地唔會要架，我嗰幾張係美人最好出兩舊五，倫伯都係一舊，cheap B隻係孖碟灑手擰頭，當搭豬骨俾五條。心虛佢話冇興趣喎，佢嗒糖小鳳姐，小鄧，哥哥都得，我有隻哥哥早期既佢要我開價點都有得傾不過我唔賣。
馬蘭仕之前我地都係玩中道唔錯架，除咗 AM 都唔記得嗰架係 CD機定同你一樣係卡式deck。
N記啲嘢越來越多MIC都睇住佢沒落啦，反而玩吓富士都唔錯。
大小姐資產用喺實質嘢即係鍾意磚頭😃
刪除倫伯都有10%升值能力不過就跑輸大市,cheap B破過產就真係B- 唔值得設資😂
今日聽到消息日本放寛香港人入境喎
主要放寛係商務旅客，要有visa，去到要隔離14日同埋唔可以搭公共車輛，即係冇我地份 😩
刪除可以自駕XD
刪除不過隔離14日先係最大濟
btw，估唔到賣果3隻cd都袋得番4舊水，我以為黑膠先值錢
仲有我覺得如果普通人去申請visa都未必攞到。
刪除收買CD既收買佬話越舊既CD越值錢！