2020年11月17日 星期二

寫在瘟疫蔓延時 ~ 記疫症下日常二三事 ❨三❩

原本, 明天飛名古屋......................!!! 

之前無論是女兒回港返日本, 或者是我們和親友到日本旅遊, 每次都會帶幾 pack 維他飲品給她, 但現在因為疫症關係無法飛, 結果都是要寄過去.

很奇怪日本很多東西都有, 連台灣的黑橋牌食品也有, 就是沒有香港的維他飲品, 不過在日港人偏偏很多人都懷念這飲品, 但是就沒有人引入慰藉一下香港同胞.


因為疫症, 寄往日本郵件只有快遞和寄船兩種, 不過就是空郵價錢也不菲, 這裡 7.5kg 海郵已經要$373.

剛剛女兒寄回來的茶々冬天睡兜, 她也是寄船大概用了一個月, 希望以上飲品可以聖誕節前寄到.






當然大部份時間都自煮, 但已經厭倦整三整四.



抗疫疲勞, 上街走走, 港島最方便也最便宜當然是遊叮叮河, 下次記住要帶相機.



中環驚安剛開業, 人山人海, 當然沒有排隊入去.



限聚令收緊放鬆收緊, 不斷四六六四, 叫人不要忘掉這數字, 這星期六要去飲喜酒, 收帖時還是可以六人一枱入場75巴仙, 突然又變回四人50巴仙, 真替主人家頭痕.

食肆食飯時段回復要等位, 六人一枱但在外面等要分開, 隨時告票比食一餐還貴.


瑞士汁牛河與豬脾飯, 想起年頭與女兒一起吃梳乎厘, 她說好掛住呀 😭


當然太古城都是常去.










又有史路比, 不過睇的買的都少, 重要是比日本貴很多, 又掀起思鄉病 😂









哥哥永遠不會叫人失望, 最好已經凝在心間.



18 則留言:

  1. 請問果間中文係叫激安殿堂定唐德柯德? 太平館唔只間舖老, 入面D伙記都差唔多.
    7.5kg $373 寄船都唔算貴咯. 茶茶有你地咁錫佢, 真係開心 :)

    回覆刪除
    回覆
    1. 激安殿堂好似以前係叫唐吉訶德, 不過口號係激安の殿堂, 所以啲人就叫激安, 應該係咁除非唔係:D
      太平館入面D伙記仲好有性格添 :P
      7.5kg $373如果除番24盒, 如果連本一盒維檸差不多要廿皮好似好重皮.

      刪除
    2. 仲飲XX奶, E家大部分都係大陸造.
      日本飲品仲正啦
      https://www.likejapan.com/life/iyemon-improve/
      呢枝曾經喺759買過, E家又見唔到😭  

      刪除
    3. 哥哥住喺我亞媽上面果條街, 隔離係羅記同肥肥, 每年四月一就有好多花同牌放喺外面

      刪除
    4. 即使而家有各種牌子既豆奶, 阿女始終都係鍾意飲麥精, 可能係細個時既情意結啩.

      刪除
    5. 哥哥生前係咪住跑馬地大坑嗰度? 我同哥哥都算有緣, 佢唔係咁紅時都遇過佢兩次, 一次喺鞋舖一次喺銅鑼灣 Citibank :D

      刪除
    6. 哥哥生前係咪住跑馬地大坑我就5G,不過E家佢住邊度我就G,因為我探我亞媽時都有時順手装多注香比佢地

      刪除
    7. snoopy餠盒咁似以前果隻英國克力架餅盒,copycat!

      刪除
    8. 史路比嗰盒係杏仁餅同蛋捲,唔係好貴但都好食架😋

      刪除
    9. 哥哥E家住寶福, 右邊第三條街好似叫寶禪定寳藏.

      刪除
  2. 茶々個睡兜好靚好舒服咁,我都想有間大啲嘅入去瞓吓 😂
    我地都有定期寄維檸、紅燒魷魚、橡皮糖、糉、月餅呀咁過日本俾姑媽,ㄧ向都話郵費貴過包裹內容
    我早兩日都有帶啲女去撘叮叮,因為雖然我地住港島,但平時都好少撘

    回覆刪除
    回覆
    1. 個睡兜真係好暖好舒服, 不過佔咗我地間房可用空間差不多一半 :P
      其實好唔理解佢地去咗日本, 明明好多好多午後紅茶, 乜乜紅茶但係都頂唔到癮, 好多人點都要飲番維檸.
      坐叮叮如果唔趕時間唔係繁忙時間慢慢遨吹吹風好舒服.

      刪除
    2. 咁我都理解到嘅,好似我去日本旅行耐少少(其實都只係十日八日),我都會掛住茶餐廳果杯凍0ㄒ及魚蛋粉、牛腩河

      刪除
    3. 我初初嫌貴唔想寄,俾阿女埋怨話淨係得佢寄嘢返黎冇回頭 😂

      刪除
  3. 好似唔覺响日本有中式超市賣下D香港食品 (中華街有無?),日本都唔少華人應該有生意,外國都有唔少,阿仔响英國讀書時,佢住個town仔唔大,但都有兩個中式超市,維他飲品和其他罐頭糧食都有得賣雖然價錢一定貴D,但起碼想食想飲都有

    我每次去回旅行返嚟都會想食燒味飯、腸粉燒賣、飲杯奶茶

    回覆刪除
    回覆
    1. 阿女喺日本都有留意邊度有香港食品賣, 就係咸蛋皮蛋, 營多撈麵都有就係冇維他飲品, 我諗如果有門路既話大批維他飲品 ship 過去, 賣三百円一盒都應該有得做.
      奇怪去旅行返黎我又冇乜想食點心呀, 茶餐廳嘢食, 因為平時都成日想食 :P

      刪除