泛黃歲月, 千萬不要政治正確以為一定與政治扯上關係.
只不過是過去年多沒有得飛, 全部人困在一個細小地方無所事事, 商台謝茜嘉呼籲各位旅遊精要 "call 片, call 相, call 番啲 memory ", 我都覺得要搵時間整理一下啲 hard copies ~ 相簿, 在整理過程中發現多年前的照片開始發黃褪色, 把心一橫要將尚未完全變色又沒有黏在相簿的照片 scan 一次, 用數碼儲存, 於是便成就了這個泛黃歲月.
幾十年前的照片用菲林拍攝, 每次帶去的菲林不多, 總之一切都要就住就住, 總不會一張到此一遊照加一張純風景, 所以很遺憾地有大煞風景的我存在.
輕狂歲月是一人旅, 這泛黃歲月是二人旅, 到重回日本時是三人旅, 這批照片時間是在結婚前後, 那時既要儲蓄結婚費用, 又剛好置業, 經濟用得拮据, 但又想去去旅行, 所以台灣泰國算是經濟的選擇, 連日本都覺得負擔不來, 還有假期不多每年都是只可以去一次也已經很開心, 不過飛了三次後因為轉工和生女, 結果直至 1998年已經停飛十年, 期間只是北上兩三天的短線遊.
19XX年四月.
Day 1 台北市
已經忘記乘早機或是午機, 總之當時去台灣都會帶些煙酒日用品等等幫補旅費, 出去台北市交付物品後, 再找酒店落腳, 因為那時並不方便預約酒店, 全都是到埗才找, 而且我們找的是平價酒店, 完事也應該是晚飯時候.
Day 2 台中市, 日月潭
早上在台北市包的士前去日月潭, 途經台中市順便逛逛, 當時不曉得台中市有甚麼地方好行, 司機帶到那裡便下車看看.
Day 3 野柳
Day 4 故宮博物院, 中正記念堂
舊照總㑹帶回美好回憶,睇相相信你個公主同當年嘅大小姐一様美
回覆刪除多謝 t先生褒獎, 受之有愧呀 !
刪除而家冇得飛睇相係唯一慰藉, 因為相簿既相排序比較好, 所以成日睇相簿執相.
請問大小姐用乜野scan舊相? 上年我買左部Epson FastFoto FF-680W, 就唔駛一張張用平版scanner scan
刪除我都係用 Epson 連打印三合一嗰種機要一張張 scan, 不過用慣咗咯.
刪除我未去過台灣, 記得童年時代電視䖒國雄廣告:新東陽肉乾名氣响噹噹😆
刪除t先生原來未去過台灣 ? 嗰時我覺得去台灣好近同埋使費好平, 所以去得最多台灣.
刪除只係試過十幾年前坐CX去大阪曾短暫停留台北中正好似兩粒鐘,可能感覺台灣同香港差不多
刪除見到野柳怪石就想起當年去過世界最大潮漲退嘅 bay of fundy果D怪石
刪除當年台灣外貌同香港差好遠,香港先進好多,台灣就似嗰時香港既新界地方,好土!
刪除我好鍾意野柳這個地方,每次同未去過台灣既人總會去一次,所以已經去過好多次。
刪除對於怪石我都有興趣睇,不過大多數呢啲地貌都喺偏遠地方唔易去。
以前去旅行用菲林拍攝,每一張相會睇準才影,全風景只是偶而一,兩張﹗
回覆刪除係呀, 以前去旅行之前要計帶幾多菲林, 影相又唔敢盡情咁影要諗過度過, 所以數碼相係一大恩物 :)
刪除影菲林相真係每一下都諗過度過。我哋有個豬隊友,永遠鬆郁矇,連數碼相都係,笑足咁耐。
回覆刪除影數碼相可以即時睇番唔滿意影到滿意為止, 菲林相要到晒相至睇到所以我都成日俾人"唧"
刪除以前影菲林時代去旅行通常會預一日一筒,返嚟又要曬相,去得日子多曬相費用都唔少
回覆刪除影菲林時代去旅行影相好大壓力, 驚菲林上得唔好根本全程影唔到相, 拆菲林又驚走光, 到擺影咗既菲林又驚唔見, 直到晒相出黎至鬆一口氣 !
刪除