2011年11月28日 星期一

14.3 雨中@白川鄉, 五箇山


二O一一年十一月六日 (雨)

因為小肥的通知, 下午白川鄉雨會更大, 於是一早在酒店吃罷早餐便兼程前往, 但雨還是下不停.



到達白川鄉, 雖然下著雨, 但天色比上次好很多, 由於星期日遊人很多, 和上次冷清的情境不同, 也是由於人太多, 所以不能隨便泊在路旁而要進入停車場.










由於遊人很多, 於是徒步上展望台, 雨越來越大, 到達時即使有遮但已全身濕透, 從展望台望下去, 心頭實一實, 比上次還差, 唯一可以做的是等, 因為太不甘心於每次都遇到這種天氣.









等了差不多一小時, 雨開始小了, 天色也比較光亮, 通常見到的都是天晴的白川鄉, 而這樣風雨下的真是難得(仲俾我見到兩次), 惟一這樣安慰自己.






































天色又開始變壞, 也是時候要走了, 或許下次會選擇隆冬, 見一見全白的白川鄉.































白川鄉的飛驒牛串和可樂餅.




離開白川鄉才記起今次未買飛驒寶寶, 幸好見到有SA.



駕了大約半小時車, 終於到達上次飛過了的五箇山菅沼合掌集落, 雨勢越來越大, 根本無法停留觀看, 唯有啟程前往相倉合掌部落, 希望情況會好些, 但到達相倉情況更惡劣, 令人沮喪, 連車也沒泊掉頭離開.











離開偶然見到一間這樣的小店, 當然入去一定會破財出來.




離開五箇山全速前往富山, 已經知道明天天氣並不樂觀, 但心中總有小小盼望, 希望有奇蹟出現.



到達富山市, 竟然比想像中還要靜, 車站附近沒有太多地方逛, 晚餐在車站附近吃完便算, 晚上停了雨, 還見到天高氣清, 心裡有一絲絲的盼望.



回酒店趕緊整理今天淋濕了的一切, 相機, 攝錄機, 最慘的是老公連相機背囊都全濕透, 好彩是自己的背囊留在車上才避了一劫.




14.2 土岐, 高山市






10 則留言:

  1. 頭幾張相片影的時候是不是沒有那麼大雨 ? 因為景色也頗清的,尤其是第三張和後的幾張照片,車後的楓景好靚 ! 又有煙雨淒迷的仙景,想不到展望台上又是另一回事呢 ! 唯有 plan 定下次啦,順便去睇埋點燈 !
    [版主回覆11/29/2011 09:16:44]初落車時雨真的不很大, 戴頂帽也可以, 但係越來越大, 有遮都無用, 行上展望台途中曾經想回去駕車上去, 但是已行了一半, 唯有繼續上去.

    回覆刪除
  2. 雖然落雨,但白川鄉的感覺仍然好童話小村莊Feel.. 秋天的白川鄉,好少見到.
    [版主回覆11/29/2011 09:19:39]我都唔明白, 上次冬天唔落雪但落雨, 揀秋天以為秋高氣爽, 但雨又係照落.

    回覆刪除
  3. 咳咳咳 . . . 又老又殘嗰隻肥嘢又嚟打咭 . . . 〈(_ _)〉 第三 . . .
    [小肥回覆11/29/2011 19:28:37]唓 . . 你嗰d又話系老人咳. . 咁我最老就梗系每次出場都咳咳咳啦. . . 都唔好玩嘅. @_@ . . 我唔爭凳仔啦. . . 呢幾日忙到癲噹都幫唔到手. . . . d 老闆個個都聽日飛. . 等我趕功課趕到呢. . . 唉 . . .我地呢班打工仔. . .
    [版主回覆11/29/2011 09:23:58]呢排唔擔凳仔, 排頭位?
    [和豚媽媽回覆11/29/2011 03:33:20]又係同廣告對白一樣『你又咳呀?係人都怕咗你囉!』

    回覆刪除
  4. 落雨兼霧氣 , 真係充滿鄉村Feel呀 , 背囊都全濕透 ~ 相機等無事嘛 ?
    [版主回覆11/29/2011 09:29:51]相機背囊濕到要返酒店拎晒d間隔出來用風筒吹乾, 好在其他野無時, 所以第二日上立山時要蓋雨褸.

    回覆刪除
  5. 同廣告對白一樣『其實落雨又有乜好怕吖!』『希望在明天吖嘛!』
    [ck 鼠回覆11/29/2011 23:48:09]咁改改佢:『希望在明年吖嘛!』
    [小肥回覆11/29/2011 19:30:30]嘿 . . .老又殘嗰隻肥嘢又嚟 . . 你地咁後生, 大把機會去啦. 明天會更好呀 . . .
    [路過蜻蜓回覆11/29/2011 09:47:05]廣告天后和豚媽媽, 希望在明天....但係"明天"回程喇喎.......
    [版主回覆11/29/2011 09:32:20]係呀, 又多個希望話去睇無雨既白川鄉.

    回覆刪除
  6. 雖然落雨,但隱約見到漫山紅葉的景色,我同老公搵次秋天去都好喎。下次冬天去,冬天都好靚架,落雪都總好過落雨。
    [3J 家庭回覆11/29/2011 19:21:18]計落條數有時駕車係著數D,尤其如果有3、4個人的話。但係我哋一家三口都幾鍾意坐日本嘅火車,特別是我個仔係鐵道迷,所以有時我會根據行程,如果坐火車方便就安排坐火車,駕車方便就駕車,最後好多時會係JR+駕車。今次去東北都係,唔想老公揸太長時間車,又唔想異地還車要俾乘捨料金,唯有買個pass搭吓新幹線。
    [版主回覆11/29/2011 16:07:21]人就係咁架, 駕開車既話就唔想再拎住d行李上上落落坐巴士火車, 因為圍起上黎駕車有時同坐火車差不多, 但方便很多, 不過短期內都唔會去住.
    [3J 家庭回覆11/29/2011 11:16:16]唔駕車可以搭巴士,我上次都係,响高山或金沢搭巴士都好方便,咁當然要似乎你個行程係點安排。
    [版主回覆11/29/2011 09:36:00]落雪真係無咁狼狽, 但係如果雪地駕車的話始終有些擔心.

    回覆刪除
  7. 展望台尾尾嗰幾張好有feel喎, "煙雨淒迷, 伴我獨行, 昏暗街頭, 你似夢幻般飄近......"
    [路過蜻蜓回覆11/29/2011 23:59:39]danny仔啲歌都好好聽啊!
    [小肥回覆11/29/2011 19:32:18]喂 . . danny 仔同哥哥friend 咩 . . .
    [版主回覆11/29/2011 10:00:51]哎呀, 終於蜻蜓飛返黎啦, 上到展望台果刻真係好氣餒, 一次係咁, 第二次又係咁, 俾個乾燥既白川鄉睇睇.果時係想聽到鄭少秋既"太陽出來了"

    回覆刪除
  8. Pandora 香傭講法文2011年11月29日 下午5:44

    風雨下都好靚
    [版主回覆11/30/2011 11:43:47]多謝前來探訪, 唯一安慰自己就是這句.

    回覆刪除
  9. 其實紅葉下的白川鄉都好靚呀!不過我和妳都有同一目標,看一看雪景的白川鄉
    [版主回覆11/30/2011 11:46:48]真係想睇吓白色的白川鄉, 原本以為舊年十二月尾去會見到雪, 可惜也是落雨.

    回覆刪除
  10. 白川鄉真的很童話!從展望台下望,美景真的疑幻似真……
    我去白川鄉時是春天,天氣暖洋洋,讓我同時看到了櫻花和遠處山頭的殘雪,很幸福呢!
    白川鄉和五箇山比較,兩者如何?未有機會去五箇山呢!有藉口下次去!
    [版主回覆12/02/2011 12:01:26]因為白川鄉比較出名, 遊人較多, 五箇山兩個合掌造距離較遠, 菅沼比較少人和旅遊巴, 相倉就很多車停泊, 因為大雨今次都無落到車, 留低藉口可以再去.

    回覆刪除