2011年11月3日 星期四

2011 本州中部, 新潟, 東京十二天 (預備行裝)

:((  :((  :(( 


今日的弥陀ヶ原

今日的室堂


10月31日日元998, 低過10 :(( 

每次如果在旅程中需要駕車的話, 一定會預備歌曲 load 在車用MP3, 使在沈悶的駕車途上有些聲音, 不會因此而打瞌睡, 而今次旅程有七日是在車上, 需要更多的歌曲, 以前因為女兒同行, 一部分歌會是她選, 但今次完全是自己預備, 由將CD上的歌曲轉為 MP3 檔, 再save 入咭, 還要夾雜起來, 避免同一CD排在一起, 簡直是另一項希望工程, 結果花了數小時, 終於做了六百多首歌.

另一方面是為各種器材充電, 除了手提電話外, 大相機, 小相機, 攝錄機, 手提電腦等, 還有自己部MP3, 都要在起行前一兩天才做, 因為太早的緣故害怕充滿的電會走, 似乎科技越發達, 每次帶去的物品就越多, 平常女兒同行的話, 老公是大相機, 女兒是小相機, 我則負責攝錄機, 但是今次我會負責兩樣, 同樣負重也應該增加.

同樣見到 d Yen 真係慘不忍睹, 遲遲一日推一日唔兌住希望回落, 但是這是奢望, 不過去到大單野都會碌咭.

現在去日本執行李都不會緊張, 以前很驚會帶漏, 現在心態是沒有就在那邊買, 那裡甚麼都有, 就是自己無錢, 還有, 每次旅行都會帶平安藥, 但現在的藥都是從日本買回港用的.

還有十天, 準備出發, 去吃喜歡的名古屋手羽先.

16 則留言:

  1. 我仲有4日便出發了,星期日已經執了大部份行李。去旅行一向都係我負責影相,因為老公會手震,spare相機都有一部不過係之前用舊嘅,以防萬一部相機壞咗都有一部頂住,直至去年尾買咗部可換鏡嘅相機,阿仔就負拎部新,我就繼續用我部傻瓜DC仔,今次就我用新,會試吓俾部舊嘅老公用。我哋一向好少聽歌,所以無需準備,有時會開著車裏嘅收音機聽吓。3個幾星期前老公趁yen有少少回落,用0.10165換了大部份的yen,後來個多星期前見到又落咗D,用0.10107又買多少少,依兩日我見又升番上0.1024左右,大銀碼例如酒店、租車及買JR Pass嘅費用我哋都係會簽咭。宜家日日睇住D天氣,希望唔好落雨喇…
    [小肥回覆11/03/2011 22:10:56]3J家庭 : Nerissa, 宜家玩到第五日,暫時天氣算唔錯,雖然有時天氣預告話有雨,但係要每日睇詳細d,睇係幾點有雨,有時只係晚上先落雨,我第二日晌青森係有雨,不過係晩上6點後先落,對我日頭嘅行程完全冇影響,日頭只係密雲冇陽光啫,冇雨已經好好囉,唔好太擔心,天氣可能仲會有變呢,你後日出發,一切順利玩得開心。
    [版主回覆10/26/2011 18:20:45]好, enjoy your trip. 返來再慢慢傾過.
    [3J 家庭回覆10/25/2011 18:38:22]哈..我和你有D唔同,由結咗婚後每次去旅行都係我將我和阿仔要帶嘅野包括衫褲鞋襪及用品攞哂出嚟,然後老公負責將D嘢分開一袋袋放入行李喼,佢好叻架,可以充分利用個喼嘅每個空間唔會浪費,所以買多D嘢都得。阿仔要返學嘛,,,佢今年16歲讀緊F.5喇! 自從佢上咗中學唔駛理功課後,我間唔中都會淨係同老公兩個人去吓旅行,過吓二人世界咁,加上屋企仲有工人,有人煮飯俾佢食,我都好放心,不過佢咁大個都識得照顧自己,屋企冇得食落街買嚟食都得。我都預祝你玩得開心D,返嚟再互相報告。
    [版主回覆10/25/2011 15:57:34]由day 1 開始, 執行李都係我做, 當時個女細個時, 執既野比較多, 而家好d, 咁買埋野返香港時都唔會拎得咁辛苦, Yen我仲未換, 諗起都肉赤, 今次你仔仔會唔會去? 每次影相都係我老公影, 佢鍾意影嘛, 佢d 相機鏡頭又大又重, 拎起都手震, 我都係鍾意影video, 但成日都俾人話機震. 你星期六出發喇, 玩得開心d, 我都驚天氣唔好, 真係好掃興架.

    回覆刪除
  2. 名古屋手羽GOOD呀!!! ^^ENJOY
    [版主回覆10/26/2011 18:14:48]明天起飛啦, 一路順風, enjoy your trip.

    回覆刪除
  3. 大相機, 小相機, 攝錄機, 電腦...................叉電座都好多個喎, 哈哈!!!
    [版主回覆10/26/2011 18:26:55]係呀, 好多個, 你知喺日本d 插頭幾個逼埋一齊, 香港 d 又大, 所以成日唔夠用.

    回覆刪除
  4. 玩得開心呀~我星期六都出發了 ^.^
    [版主回覆10/26/2011 18:32:15]你都玩得開心d 呀, 影多d 相呀, 呢段時間好多人都喺日本, 九州, 東北, 中部, 但係好似無北海道.

    回覆刪除
  5. 嘩!乜咁多人都出發呀?你地都要玩得開心D呀!

    好,等我星期六日都襯放假在家中休息下先。
    [1733回覆10/27/2011 21:41:11]知道!
    [版主回覆10/27/2011 09:04:56]除左休息, 仲要擺埋剩餘的北海道上blog 呀. :)

    回覆刪除
  6. 咁多人出發, 我都唔執輸, 我又要出發....靈魂出竅, 留番個軀殼喺公司, 哈哈!!
    [路過蜻蜓回覆10/28/2011 21:28:01]咦, 好喎, 一齊魂遊日本, 哈哈哈, 我既記認係"蜻蜓"啊, 記得同我相認, 哈哈.....
    [版主回覆10/28/2011 16:47:58]同我一樣, 肉身喺度, 靈魂已經喺日本, 會唔會而家我地一齊喺日本行緊街呢又!
    [路過蜻蜓回覆10/27/2011 09:18:45]雖然個人返左, 但係個腦仍然係日本搜尋緊吸引既新景點, 今年skip左紅葉, 下年應該回歸本州中部, 又或者.....四國!!! 阿蘇個part.......以我既"龜速", 你去完旅行番嚟我都應該未post喎, 哈哈!! 而且又去唔到火山口, 所以唔駛期望有靚相喇.....
    [版主回覆10/27/2011 09:08:07]哎呀, 你都去完返黎啦, 我等住睇九州之旅.特別是阿蘇果part.

    回覆刪除
  7. 我都冇食到名古屋手羽呢,幫我食埋我果份呀 ~ ^0^
    [版主回覆10/28/2011 16:53:40]哎呀, 你真係錯過喇, 上次去晚上明明很眼瞓,(因為佢地五點至開始做生意), 都要冒著寒風出去買外賣, 所以今次預左一到步即買來食.

    回覆刪除
  8. CD 轉 MP3 , 聽落好簡單 , 不過我都唔識 , 或者話冇刻意去學啦 , 你轉 6佰多首歌 ? 實在太勁 , 佩服 ! ^_^ !! 今日D日圓又升小小 , 真係離譜 . >_< !! 最後 ~ 祝你玩得開心D啦 , 一切順利 . Bye Bye !
    [man wai回覆10/29/2011 18:52:41]To : 小肥 . . Thx ~ 原來如此 , 記低先 ~
    [小肥回覆10/29/2011 16:56:48]To : man wai . . 小姐, 你如果用緊SE電話, 上網CLICK 個iTunes 落嚟, 你個豬腦d歌會直接轉換格式, 再copy 落mp3 就ok啦. 如果, 你聽開正版音樂, 咁你開住iTunes , 擺隻cd入豬腦, d歌就會"匯入" iTunes , 咁又可以 copy 落mp3 囉. . . ^o^
    [版主回覆10/29/2011 11:45:38]多謝, 多謝, 昨日買左, 創新高103, 不過唔買無時間買.

    回覆刪除
  9. 你仲未出發咩?
    [版主回覆11/01/2011 09:02:47]星期五早機.

    回覆刪除
  10. 今日室堂好正啊, 立山連峰山腰以上鋪晒雪, 但係山下就仲係黃色地氈咁, 好靚啊!! 如果keep住咁既走勢, 你去到可能無雪地俾你踩, 不過就唔使跣下跣下咁行。玩得開心啲喇, 記得搵雷鳥啊!!!
    [路過蜻蜓回覆11/02/2011 09:52:00]發達lu....間酒店, 又有隻水魚游埋嚟, 哈哈!! Nerissa, 你唔好飄移飄到唔識返嚟喎....
    [小肥回覆11/01/2011 19:58:27]嘿 - 如果我o係室堂唔捨得走到miss左最後一班巴士, 咪係山上過夜囉. . .發達LU . . . ^O^
    [版主回覆11/01/2011 16:55:49]咁出年封山再開時會見到急凍左既我囉,
    [路過蜻蜓回覆11/01/2011 16:39:24]有.....11號囉(不過應該都行唔到....), 哈哈哈.....所以呢, 睇住張"時刻表"做人啊!!!
    [版主回覆11/01/2011 13:51:11]如果, 我話如果我o係室堂唔捨得走到miss左最後一班巴士, 係咪就無其他車可以落山.
    [版主回覆11/01/2011 09:44:27]真係好正, 希望上到去係咁, 我都唔希望有雪, 我會拋開這裡的煩惱, 玩完返黎再算, 多謝. 雷鳥真係驚搵唔到, 我搵野好渣.

    回覆刪除
  11. 嗱, 如果 你未飛就跟住一步一步click啦. 1.- 返回YAHOO 主頁, 喺左手欄CLICK [BLOG] , 會轉去舊嘅BLOG 主頁, 喺最頂條BAR 有 [會員登出 賬戶資料] , CLICK [賬戶資料] 會再要你輸入一次密碼, 照做, 氮會見到一頁 [賬戶資料] , 我就系改咗 [個人檔案資料] 仕面嘅居住地, 時區. . .你想點改都得. . . .記得改咗要CLICK [儲存] 呀 . . . .^O^
    [版主回覆11/02/2011 09:23:30]謝謝, 後朝至飛.

    回覆刪除
  12. 買先至跌 , 真係嘔血 , 算啦 ~ 玩得開心D當報仇 , haha ...
    [版主回覆11/02/2011 09:25:52]希望可以一路維持落去, 最多碌卡, 留番d cash 煲醋.

    回覆刪除
  13. 你明天出發喇!預祝你旅途愉快。
    [1733回覆11/03/2011 20:41:08]去旅行喇!放開心情,盡情去玩啦!有雲睇雲,有山睇山。順其自然啦!
    [版主回覆11/03/2011 08:59:54]多謝, 多謝, 希望天氣好些, 因為check 過很多日都是雲.

    回覆刪除
  14. Go, Go, Go . .. ^o^ 玩開心d, 玩埋我嗰份. . ..哈哈哈
    [小肥回覆11/03/2011 22:34:21]哈哈, 搵吓癲噹D貓毛啦. . . 佢亂咁走, 一定留低唔少. . .^O^
    [版主回覆11/03/2011 22:23:55]好, 玩埋你份, 食埋你份, 買埋你份.睇吓立山見唔見到你d 腳毛.

    回覆刪除
  15. 飛喇飛喇, 有雲唔緊要, 有機會睇雲海 ;-)
    [版主回覆11/03/2011 22:25:16]承你貴言,

    回覆刪除
  16. 玩得開心啦 !!
    [版主回覆11/03/2011 22:26:35]多謝, 幾時睇埋你立山d 相.

    回覆刪除