2014年5月30日 星期五

16.38 東京 ~ 完

二O一三年十一月二十一, 二十二日 ~ 第二十五, 二十六日 (晴)

二十六天的旅程不經不覺就過去了, 來到最後血拼的階段, 二十六天累積買了不少的手信跟物品, 之前已經將一部分重的書寄回港, 但全部行李最後還是超重了 9 點多 kg, 幸好最後都順利 check in, 沒有被要求開喼.

經過上野的 ヨドバシカメラ, 原來有個極"娘"的中文名"友都八喜" ::mm1544





晚飯在池袋 Parco 和幸, 這間和幸特別之處是用釜來盛飯.





望見一串的行李已經頭痕, 頭痛兩人可以怎樣拿 ::mm1613 .



在機場 Food Court 吃的, 從未如此覺得難吃, 下次一定不會幫襯.


終於寫了三十多篇, 2013年九州, 廣島, 鳥取, 富士, 東京二十六天的旅程寫完了, 在我來說很好玩, 但揸車的就覺得頗嫌辛苦, 還有自從講了富士的酒店是在青木原樹海內之後, 他便不停說覺得入住時很不自然云云 ::kk3161 ::mm2441 , 或許我們真的不習慣住一些太大的酒店, 還是住在逼逼狹狹的商務酒店適合 ::oo2051 .
跟著便要開始著手為下月的東京Hea 住遊遊蕩蕩編寫少許行程, 到日本總不能與去台北一樣 Hea, 這樣做會對不起自己, 也浪費機票 ::mm2376 .

16.37 大宮 ~ 鉄路博物館





46 則留言:

  1. 看地図,富士 クラシックホテル又不算在「青木が原樹海」之內,只可算是附近。

    咁你老公會唔會安心啲呢?

    一人三大件,打的去車站?

    回覆刪除
    回覆
    1. 雖然係可能喺附近, 不過條路喺好多高樹中間穿過又確係幾陰森.
      結果坐機場巴士 door to door.

      刪除
  2. 機場 Food Court食左邊間XD
    等我避下都好啊XD

    回覆刪除
    回覆
    1. 係喺成田T2未入禁區之前,全部食物都好似微波爐翻叮一樣 :(

      刪除
    2. 上年我係NRT T2,餐廳食late lunch,好好食喎。
      http://www.koosan.pw/2013/09/noboribetsu-onsen-outlet-rera.html

      刪除
    3. 餐廳冇問題我都食過 http://huinerissa.blogspot.hk/2013/05/1530_2.html 不過今次食 Food Court 真係好難食.

      刪除
    4. 依啲係咪叫一分錢一分貨 :P

      刪除
    5. 如果入禁區後,我食過咖哩飯,我真係睇住佢用100円一包咖哩倒出來。:))

      刪除
    6. 雖然冇睇到佢整, 不過咖哩都係100円貨仔 ::ee5042

      刪除
    7. 真係無誠意~不是指100YEN咖哩XD 無誠意在於直情俾人望到是100YEN咖哩XD

      刪除
    8. コーさん應該同個職員講好好味喎, 乜牌子嚟架 =))

      刪除
  3. 寫台北遊記囉, 景點篇都未出.... >:)

    回覆刪除
    回覆
    1. 台北景點一篇可以寫晒, 因為冇乜點去觀光 ::kk3014

      刪除
  4. 一串行李,好多斬獲,超開心。去日本,一人三件行李都好正常吖!

    回覆刪除
    回覆
    1. 其實仲未計兩個背囊, 總共每人四件, 每次去日本臨回港執行李都頭痛, 埋怨又買多咗, 但買時成日驚如果唔買就"蘇州過後冇艇搭" :P

      刪除
    2. 開心咪得囉。不過我近幾次都好抑制嘞,因為次次都預好忟,落機第二日就返工,唔想最後一日咁攰,加上之前買落嘅都塞滿屋企同公司嘞......

      刪除
    3. 嗰時通常會休多一日至返工, 因為 unpack 行李都差不多用半日時間.

      刪除
    4. 我啲假期要慳住駛呀~~~~~

      刪除
    5. 係喎, 你成日去旅行, 每次攞多一日加埋都可以去一次咯 :D

      刪除
    6. 假期要就住就住駛,我反而好羨慕你一次過去廿六日呀。

      刪除
    7. 嘻嘻!我地呢啲「開工不足」既咪可以去廿幾日囉 :))

      刪除
  5. 我同老公去通常都係兩喼去兩喼返,只係重量唔同,所以通常可以兩手fing fing上機

    回覆刪除
    回覆
    1. 嘻嘻, 我地去既時候都係兩個架, 只不過係喼中有喼, 袋中有袋, 到最後要全部用晒咋 :P

      刪除
    2. 我連袋都無,我老公最唔鍾意一袋二袋攞上飛機,中途漏咗袋就麻煩,尤其買嘅嘢一定要放响喼裏面寄倉,hand carry會放D帶去嘅衫,反正都係D舊嘢,唔見咗都無所謂

      刪除
    3. 但係如果 overload 就唔可能唔一袋二袋拎上機咯.

      刪除
    4. 我哋好少overload,係都只係過少少,而且我老公有excess baggage allowance,咁就更加唔駛驚,況且宜家去日本真係唔會買好多嘢囉...

      刪除
    5. 去日本成日不知不覺就買多咗, 因為好多時連家庭用品都買埋返來, 好似六月呢次去已經要幫個女買三對鞋, 仲有其他立立雜雜, 相信今次都會 overload :P

      刪除
    6. 我上個月hand carry咗個麺包機返來。

      刪除
    7. コーさん, 我懷疑今次我應該會捧個電飯煲返黎 ::oo2051

      刪除
    8. 不過買220-100降壓都花錢,可能下次要買多樣電器先回本。:))

      刪除
    9. 我屋企好多電器都係110 要加牛, 以前試過連枱燈都揹"牛", 你個麺包機應該都係要架?

      刪除
    10. 咁要請教,去鴨記問,話500w電器要買個1000w牛安全啲,係咪真?

      刪除
    11. 早期去日本都試過買電器返嚟,宜家無了,雖然同款日本買係會平D,但無保養,又要火牛,費事拎,寧願响香港買算囉..

      家品嘅嘢如果唔殘唔爛,我可以用十幾年都得,我之前個電飯煲用咗成20年,其實換時係未壞只係殘,同埋想買個細D

      刪除
    12. 我返而依家先買,以前怕搬來搬去,大件重嘅唔買。

      依家“發現”咗Amazon JP直送酒店,又有レンタカー,加埋我泊咗車係香港機場,全程唔洗點搬,先有動機買重野返來。

      刪除
    13. コーさん, 火牛既野我都要問問, 因為好似屋企部DVD機都係插蘇拖隻牛就用到, 舊時屋企d 音響, 室內無線電話就算喺香港買都係買日版貪仲係MIJ, 所以全部有牛都唔奇怪.

      刪除
    14. 3J家庭, 因為而家香港賣既電飯煲MIJ 勁貴, 牌子唔多, 而家屋企個電飯煲都係用咗十幾年又係MIJ, 所以都係時間換換.

      刪除
    15. 我部包機450w,買咗1000w用緊。
      見過有blog寫,買500w都得,覺得奇啫。

      我一直都想搬個スチームオーブン・レンジ,三合一steam+oven+microwave。日版好型。

      刪除
    16. 想買日版電器都係因為日本國內既選擇好多.
      我有朋友上年都捧咗部麺包機返來, 佢個電飯煲都係日本買, 我而家問緊佢.

      刪除
    17. 我用咗10幾年賓賓,唔可以買D靚嘢俾佢用,求其買D cheap cheap最簡單俾佢用算,壞咗都唔肉赤,雖然宜家無咗賓賓,我對家品要求唔高,可能對煮嘢食無乜興趣,爛咗再買

      刪除
    18. 你講得對,幾年前換屋裝修,廚房就最求其,因為費事俾賓賓用爛(的確對,真係好快爛)。

      依家無用賓賓,自已用番又覺得簡單過頭。:))

      刪除
    19. 我冇呢啲問題, 因為我=賓賓 ::mm2169

      刪除
  6. 我就最明白擔心唔買就"蘇州過後冇艇搭"呢種感受,所以而家見到喜歡的都會買o左先,免得後悔 ::mm1582
    機場 food court 已經唔會好食得去邊,你仲要食完和幸之後去食返同一樣o既炸豬扒 ? 咪顯得特別難食囉 ! ::mm2184

    回覆刪除
    回覆
    1. 我就係試過唔俾人買結果俾人怨足一年,到第二次再去想買時已經冇得買 :(

      刪除
    2. CK鼠真細心,咁都俾你唸到原因,和幸。

      刪除
    3. 我已經唔敢叫吉列豬扒叫炸雞呢啲大路野,但係一樣唔好食。

      刪除