2014年5月12日 星期一

2014 台北食。Hea。玩五天 ~ 草草行程

還有一星期去台北, 雖然說沒有怎樣 plan 行程, 但總有些地方想去, 為了不浪費時間, 每天都要想些定點景點, 其他時間就是隨便到處地走走.

19 May 第一天 : 早機到台北, 跟著前往鼎泰豐午飯, 晚飯會到士林夜市.

20 May 第二天 : 國立故宮博物院, 台北故事館, 淡水

21 May 第三天 : 華山創意文化園, 微風廣場, 101等等

22 May 第四天 : 主要是買書買手信, 所以會在西門町, 台北車站, 書局街一帶

23 May 第五天 : 最後一天, 沒有甚麼特別地方要去, 真的是遊遊蕩蕩到晚上夜機回港.



P.S. 昨日真的過了一個難忘的母親節, 話說女兒前往東京夜機回港, 昨日一整天黃雨不停, 跟著還有紅雨, 早料到航班會延誤, 原本航機十時到港, 從網上已經得知在東京已經遲了四十五分鐘才起飛, 從九時多已經看著 NOW TV 的航班訊息, 見到航班不停更改到達時間, 直到十二時多仍未降落, 原本是前往機鉄站接的, 不過已經知道她不可能趕及尾班車, 決定即時前往機場, 當時也不知航班降落了沒有, 總之心裡忐忑不安, 還好在一時半左右聯絡上, 但到達機場又聯絡不上, 站在接機閘口打了不下三十多個電話, 因為顯示牌上明明已經降落但電話總是不通, 原來從航機一時多降落至閘口足足等了個多小時, 期間空姐禁止使用電話, 結果直到三時多才順利出閘, 回到家已經四時有多, 所以說養兒一百歲長憂九十九是沒有錯的, 在等候的期間我是完全感受到南韓和馬航的父母當時的心情雖則自己是太杞人憂天.
後來女兒說航機曾經兩度準備降落跑道不過又再爬升盤旋, 好像機長為了安全問題因為跑道視野模糊, 終於在第三次才順利降落, 但她已經一額汗.

二時四十五分還在接機大堂焦急地等等等.


50 則留言:

  1. 我星期六返嗰朝11點左右已經收到CX message話班機會delay 45min,後來未夠5點去到成田,check-in時地勤話我哋知班機暫時會delay 45min,但可能仲會有further delay,宜家有早一班機 (又係delay咗) 有位仲趕到,問我哋轉唔轉,起初我都猶豫咗一陣,老公話有位就最好轉,因為香港天氣唔好驚唔知幾時先到,咁就轉早咗一班機,返到香港9點幾,比ETA遲咗成個鐘

    後來再check我哋原來嗰班最後又delay多一個鐘,成12點先到香港,諗番都好好彩

    回覆刪除
    回覆
    1. 我個女坐JAL 冇得"走棧" :(

      刪除
    2. 吓? JAL 咁搞野? 又會個個咁聽話?
      CX 一 land 嗰一吓, PA 已經話可以使用 mobile

      刪除
    3. 阿女話 land 咗以為打得電話報平安, 點知個空姐企喺佢隔離睥住, 所以即刻熄機.

      刪除
    4. 我成日都話CX唔好,今次真係要俾個like佢
      其實我又唔明點解唔可以用電話,都land咗喇,有咩影響呢...::_381

      刪除
    5. 空姐話機師仲要聽指示泊位, 使用手提電話會影響接收.

      刪除
    6. 我估每間 airline 的安全條例唔同? 做乘客都要尊重無辦法

      刪除
    7. 我有時諗,日本人睇我地係咪同我地睇強國人一樣,都係唔守規矩既一羣 :(

      刪除
    8. 去日本藥房掃貨似啲o羅

      刪除
    9. 去日本藥房掃貨我覺得台灣人比較厲害...可能日本人眼中就快強國人=台灣人=香港人

      刪除
    10. 我覺得佢地已經唔識分,總之當晒我地係強國人當我地攞張銀聯咭出黎要俾折頭嗰陣 :D

      刪除
    11. 我boarding時黑雨(由屋企4h前出車時無雨!),機長“話”delay 2hrs,最後45mins可以出發,好彩咯。

      刪除
    12. 有時曰本人都識分, 試過登別, 帶廣坐的士, 佢地問我地係咪香港人, 試過係沖繩, 京都推住BB車, 佢地仲以為我地係曰本人, 好搞笑

      去台北買書, 我都好鍾意, 選擇比香港多好多, 尤其好多日本旅遊書(唔係景點個d)....

      刪除
    13. コーさん, 如果”delay 2hrs"既話去到咪啱啱好天光.

      刪除
    14. Niseko2000, 我去台灣通常買翻譯日本既小說, 佢地平過香港好多不過啲書就好厚同好重.

      刪除
    15. 我次次去書局街都會買幾本翻譯外國小說, 真係平過香港好多, 不過買左返嚟都係得個擺字, 太懶!!

      刪除
    16. 我傻架, 次次去都會買十本八本返黎, 自從知道會去台北後已經停止喺香港買書, 已經知道要買九本, 去到可能唔止咁多.

      刪除
    17. delay 2h 即係去到地鉄開哂,所以成班機都無人嘈。

      而且,來回都好多香港貪平客(好似我咁),同埋日本人。如果倒轉,呢班機時間超好。

      刪除
    18. 倒轉? 即係日本十一點幾飛, 返到香港四點幾五點, 啱啱有機場巴士.
      不過如果再早就唔好, 嗰晚delay 啲人全部要坐的士走, 啲亡命的喺我地周圍左穿右插又落緊雨好危險.

      刪除
    19. 倒轉,即係日本人來香港玩,撘0620飛香港玩幾天,再撘2350返羽田,時間好正架。

      刪除
    20. 其實如果我地0620飛日本, 2350返香港都好正, 落機飲埋早茶至返工 :-bd

      刪除
    21. 當然啦,好似月巴咁,去東京一天食碗面。

      刪除
    22. 好似過大海一樣, 又好似深圳人過香港買奶粉咁 :))

      刪除
  2. 我N年前去故宮博物館行到瞓著.........無特別地方去?? 去宜蘭影幾米或者猴狪影貓貓啦!! >:)

    回覆刪除
    回覆
    1. 我都係N年前去過故宮博物館, 其實當去過北京嗰個之後呢個係小兒科, 不過我就好想去台北故事館, 既然去到嗰頭就去埋.
      宜蘭幾米係想去, 不過搭自強號都要個幾鐘, 搭唔到仲要兩個幾鐘, 淨係去幾米又好似好浪費, 其實仲諗緊, 可能到時好天當遊車河都無妨.

      刪除
    2. 我上次係搭火車去巴士返, 你可以考慮搭巴士, 喺台北轉運站(台北車站後面)搭去宜蘭70分鐘, 班次好密 http://www.kamalan.com.tw/route.php

      刪除
    3. 而家又要睇吓天氣, 因為預測去到第二日會落雨 :(

      刪除
  3. 我而家轉左在台灣唔買書,買米返香港。

    回覆刪除
    回覆
    1. 買米,唔得喇,我拎唔到 :P

      刪除
    2. 係呀!係勁重架。
      不過食過一次之後就返唔到轉頭囉。
      煮緊飯既時候,係聞到飯香架。

      刪除
    3. 嘻嘻,唔怪得你三個月就要去台灣一次,原來要去買米,咁一次買幾多公斤?

      刪除
    4. 上幾次就買6至7Kg。今次可以的話買多少少。

      刪除
    5. 嘩, 20kg 行李一半係米.

      刪除
    6. 6-7kg,hand carry都得。

      刪除
    7. 以前未買過米,如果有人叫我買,我會話佢傻既。但而家已經中左台毒,連米都好想食台灣米,咁就唔會覺得重架喇。

      刪除
    8. コーさん,但呀!有試過手提架。因為超重呀!
      好好笑,去過日本兩次,兩次都無超重。舊年六月既一次台灣之旅就超重喇!

      刪除
  4. 唔係噃,就係無米,所以要去買囉。

    回覆刪除
    回覆
    1. 香港都有台灣米賣? 台灣真係平好多靚好多?

      刪除
    2. 香港都有台灣米賣?
      有呀!我買過都幾貴架。係一級米黎既。
      台灣真係平好多靚好多?
      平?都唔可以咁講。我專買一級米都唔平。我在台灣超市睇到有一級、二級及三級米。我就選擇最靚既一級米喇。

      刪除
    3. 咁6,7kg食唔到兩個月,中途點算?不如叫朋友寄過來?

      刪除
    4. 哈哈,咁就在香港買算了。

      刪除
    5. 我就會喺超市買成盒滿漢大餐既牛肉麵, 不過今次應該拎唔到.

      刪除
  5. 好媽媽,讚!

    我試過响台北,無乜嘢好做,一個下晝咗三套戲。

    回覆刪除
    回覆
    1. 台北唔會冇嘢好做既, 如果冇地方去就會坐低飲吓嘢咁, 因為台灣好多唔同既嘢飲.

      刪除
    2. 本應諗住睇一套,但戲院好舒服, 結果一場接一場。

      當然去咖啡廳飲嘢食cake係一定會做啦。

      刪除
  6. 明天飛咯,玩得開心啲。

    回覆刪除
    回覆
    1. 多謝,而家希望落雨都唔好落咁大 :)

      刪除
  7. 隨遇而安,梗會玩得開心既。

    回覆刪除