2014年5月24日 星期六

2014 台北食。Hea。玩五天 ~ 買物

昨晚夜機回來了, 雖然冇上次個女咁誇張, 但台北起飛已經遲了三十分鐘, 著陸是十一時半, 還好有人在機鉄站接, 如果沒有的話港島線已經收車, 在站前見那條等的士人龍相信回到家裡也會是兩三點.
一如去之前的天氣預報, 台北每天都下雨, 最大雨是去淡水那天, 回到酒店全身濕透, 還好有幾天出去時沒怎樣大雨, 於是宜蘭, 故宮等地方也依照原定計劃去了.
今次到台北竟然遇上台北捷運史上最血腥的斬人事件, 事件發生時正好在台北車站等車, 原來在同一方向的下兩個站發生事故, 當時聽廣播也不知是大事件, 回到酒店收到蜻蜓通知才知道, 連忙打回家報平安.
文章標題是食。Hea。玩, 其實正確是食。Hea。買才真, 玩真是沒有甚麼好玩, 每天三,四點便回酒店看電視上網, 所以コーさん笑說我每天下午都回來巡 blog ::_1553 , 倒是買食物和書多到差點超重, margin 到剛好 40kg.

Cha Cha 的襪子和 KT玩具



女兒的杯和裙子


故宮博物館的記念品


九份李儀和港記鳳梨酥


機場的 KT 綠豆糕


滷蛋和淡水阿婆鐵蛋


天仁茗茶的冷泡茶


雪印奶仔, 好奇怪連日本都找不到, 所以每次台北必買


淡水魚酥和蝦酥


南蠻堂蜂蜜蛋糕, 可惜只能放四至五天


淡水的話梅


黑橋牌牛肉乾與豬肉乾


脆肉乾


黑橋牌特製香腸


老天祿鴨舌 (共 60支)


半隻鴨肉扁鵝肉


最後是我的十一本小說, 第一次在台灣退稅就是這十一本書.



33 則留言:

  1. 之前日日見你出現,仲以為你已經返咗嚟添,原來係早返酒店,3、4 pm 返又真係好早喎!

    回覆刪除
    回覆
    1. 有一日11 點至出去 2 點已經返酒店 :P

      刪除
    2. 哈哈, 11點至2點....地下街都行下嘛!!

      刪除
    3. 11至2,應該係俾酒店清潔阿姐趕出來。>:)

      刪除
    4. 係呀有一日返到去阿姐仲執緊房,我叫佢浄係倒垃圾換毛巾得啦唔駛執牀,佢仲好猶疑咁走人。

      刪除
    5. 你呢次既行程真係夠晒hea,好吖,咁先至係享受嘛。

      刪除
    6. 我今次既行程叫做觀光既就係去咗宜蘭幾米同故宮博物院咋。日日都喺忠孝敦化站出入,唔係鼎泰豐就度小月,行街就浄係去咗微風廣場,台北車站同西門町,主要都係買手信。所以好多時都喺酒店睇電視,睇緯來日本台日睇夜又睇,連電視汁都撈埋 :P

      刪除
  2. 雪印奶仔,香港有無?我都想買。

    呢十一本都唔係好重喎。
    當年我買咗超過二十本,みなの日本語全線,仲有乜乜文法,考試基準,練習。

    回覆刪除
    回覆
    1. 香港冇, 淨係得UCC同雀巢.
      十一本你攞就唔重, 我就拎到手斷, みなの日本語通常四至六本咁買, 試過喺日本買三本日本語文型辭典就拎到死, 但係屋企兩本日文大字典就係搭人買 :P

      刪除
    2. 我家中都有好多本みなの日本語, 以為買左就等於識左::_1553

      刪除
    3. 哈,其實我之前打漏咗⋯⋯

      みんなの日本語 先啱。

      刪除
    4. 我都唔知錯咗,都係 copy & paste 咋 :D

      刪除
    5. 我都無留意到, 好明顯我都係懶人一個::_1554

      刪除
    6. 作者已經移除這則留言。

      刪除
    7. みんなの日本語係我讀頭幾年本教科書, 原來大家都有!! Kitty你以為買左等於識, 我就以為讀左等於識, 哈哈!!! コーさん係咪應該已經考左1級呢.....

      刪除
    8. みんなの日本語嘛,緊係“大家”都有啦。
      你睇我上面,字都打漏,緊係考唔到。

      刪除
    9. 我地咪仲差見到都唔知道錯,即係話MC實揀錯 =))

      刪除
    10. 我地有個先生之前去考1級攞滿分,香港人喎,無去過日文留學,只係讀中大時修日文,原本係space教日文,但係因為韓國老師唔夠去左教韓文,語言天才呢!最緊要係又後生又靚仔,哈哈!

      刪除
    11. 哈哈! 介紹黎識吓 :))

      刪除
    12. 蜻蜓有冇報七月個試, 我個女啱啱至喺台灣買咗本N1 參考書, 臨急抱佛腳 :!!

      刪除
    13. 2級既聽解都好勉強, 1級想考, 不過唔會7月, 12月啦或者, 不過聽解呢個死穴真係好難攪....

      刪除
    14. 聽解都係我既死穴,我仲成日俾人話咁淺都聽唔到 :(

      刪除
  3. 大小姐, 你係唔係帶多個喼去載貨 :D

    回覆刪除
    回覆
    1. 這個當然啦 :)) 去台北去日本梗要帶多個喼。

      刪除
  4. 回覆
    1. 我覺得好得意,因為好似未見過 KT有狗玩具 :D

      刪除
    2. 係喺台北 Tokyu Hands 買架。

      刪除
  5. 好厲害,我都未試過買咁多手信。

    回覆刪除
    回覆
    1. 師公你點同吖成日都去台灣,我咁多年冇去去到乜都想買乜都想食,結果乜都差唔多買double 晒。:D

      刪除
    2. 唔係喎,我去日本及英國都無乜買野噃?

      刪除
    3. 可能係我太鍾意買野,無論去邊都買一大堆 :P

      刪除
  6. 你真係好hea喎!
    11本書有排睇....
    Kitty 都有綠豆糕::oo2003

    回覆刪除
    回覆
    1. 因為日日落雨都唔想周圍去.
      啲書有折又計台幣好抵買, 所以越買越多, 如果唔係當時覺得太重仲想買多幾本, 不過11本書都有排唔駛買書囉.
      Kitty 綠豆糕喺機場買, 仲有鳳梨酥, 太陽餅等等.

      刪除