2014年5月27日 星期二

2014 台北食。Hea。玩五天 ~ 美食

今次到台北, 食是排第一的, 所以每天都會將有限的肚子盡量填滿.
講起食, 不能不提酒店的早餐, 提的不是早餐好吃, 而是見到的香港人, 而且很不幸地見足五天.
其實香港人到外地還不是與強國人一樣, 今次見的是一家大細, 有老有幼, 我住的酒店不大, 早上是在大堂一角的用餐區有個小小的自助形式拿食物, 那一家人大聲說話, 小的在用餐區奔跑, 還有預先給未到來拿食物已經見怪不怪, 叫我側目的是明明有人排隊取咖啡, 在我前面的那男人, 到他時竟然將整壺拿走到他的那枱逐個杯加滿, 回來時咖啡已剩無幾, 雖然同樣地他也可以在外面弄幾杯回去我也吹佢唔漲, 但是他整壺拿走的行為我覺得極為自私.

講回今次旅程之食, 甫下機到西門町的酒店放下行李後已經急不及待乘捷運到忠孝敦化站的鼎泰豐, 在街口一轉角已經有職員前來說兩點半 last order 不得加單, 待坐下便急急點菜.

忠孝敦化站的鼎泰豐.



原來有休息時段.


食客已經走了.


湯佬學整小籠包.


我們的菜單.


酸辣湯

小籠包

蟹粉小籠包

蝦肉燒買

蝦肉煎餃

豆沙小籠包
晚上見天氣不錯於是前往士林夜市






五味風螺

蚵仔煎

台灣燒腸
第二天從宜蘭回來返西門町鴨肉扁.





四分一隻鵝

鵝肉米粉
晚上前往忠孝敦化站的度小月.





台南擔仔麵

炸花枝丸

櫻花蝦高麗菜

鳳梨蝦球
第三天到淡水下很大雨, 不過老街的魚丸還是要去吃, 門口照片攝於 2011年.


可口的魚丸
從淡水回來到台北車站, 行倦了吃雪糕.




晚上隨便在西門町一間叫牛公館的吃牛肉麵, 雖然不出名但也很好吃.

紅油抄手

紅燒牛肉麵
第四天午餐到老天祿買了一大堆滷味回酒店吃, 晚上臨別秋波再吃一次鼎泰豐.

小籠包

雞肉小籠包

醉雞

豆苗

擔擔麵
飯後甜品 ~ 雪糕冰



最後一天午餐再到忠孝敦化站, 不過今次到咖啡弄, 這間香港有分店但永遠長龍.







然後帶著大大的滿足回港.


18 則留言:

  1. 你所講的一家大小,可能人多,圈子大,所以無多理會其他人。
    如果再多,例如十幾人,感覺像包場,可能再大聲,再誇張都仲得。

    回覆刪除
    回覆
    1. 我聽過强國人食自助餐成碟攞埋位。
      知道我坐番埋位叫 waiter 咖啡呢度 =))

      刪除
  2. 香港人嘛~~去食BUFFET見過有兩倨香港人齊齊拎隻大碟~然後去甜品吧砌兩個生日CAKE番去....
    完全諗唔明....

    回覆刪除
    回覆
    1. 即攞咗成個蛋糕?又無問人攞candle?

      刪除
    2. 仲要攞candle咁串咩 ? =))

      刪除
    3. 唔明佢地唔覺得自己既行為好核突既咩?::cc9019

      刪除
  3. 呢次好似得吃喝而無玩樂 :)

    回覆刪除
    回覆
    1. 今次去台北主要都係為咗食咋 ::mm2415

      刪除
  4. 除鼎泰豐外,我淨係記得食過淡水魚丸。

    以前好似話有間かき氷好出名,係鼎泰豐本店後面,好似執咗?

    回覆刪除
    回覆
    1. 淡水魚丸如果可以買到返港我都想買返黎.
      我去嗰間應該唔係鼎泰豐本店, 本店喺永康街, 所以唔知道間かき氷, 我食氷返番西門町, 都應該好出名, 好多泡菜拎住旅遊書喺門口"裝裝吓".

      刪除
    2. https://www.facebook.com/smoothie15?rf=198482106847638

      地點就係呢間,不過以前好以唔係呢個名⋯⋯

      刪除
    3. 因為無去到永康街, 所以都唔知有呢間食氷, 不過見到咁多人我都唔會排隊.

      刪除
  5. 香港人點勁都唔及強國人啦, 自助餐啲壽司可以只夾上面嗰塊魚生, 剩低舊飯係度, 仲要一夾夾左大半碟去, 個盆得番啲飯, 肉酸到呢.....
    我覺得度小月已經無以前咁好食喇, 行書局街有無食胡椒餅, 我次次都要買個食, 實在太太太好味喇!!

    回覆刪除
    回覆
    1. 強國人做d 野有幾肉酸得幾肉酸, 所以而家都怕咗去食自助餐.
      我冇行書局街, 淨係一次過喺微風廣場間紀伊國屋買晒, 因為有折又有得退稅.

      刪除
  6. 成壺咖啡拎埋檯斟 ? 咁都得 ?
    果然有香港人本色 , 夠晒精打細算 ,
    唔駛逐個成員排隊 , 可能佢地唔覺得有問題之餘 ,
    仲覺得自己聰明絕頂呀 . haha ...
    其他食物都可能整盆拎埋檯夾 , 揀完先擺番出去喎 . haha ...

    回覆刪除
    回覆
    1. 佢地直情意識唔到自己做既野非常乞人憎,影衰晒香港人。
      我今次去台北見到既香港人比你喺日本見到要多,好多時喺街頭已經聽到喺街尾講野,高談闊論,旁若無人。

      刪除
    2. 我係台中都見好多香港人,不過就冇見到你個d場面。反而係日月潭民宿走時,我地先張行李放到門口才去停車場攞車,點知有班強國人,行李都未攞落樓就駛左架車,仲要係兩架,泊正係門口,攪到我地要泊到好前,到我地開車先見到佢地上行李。

      刪除
    3. 台北見到既強國人唔多, 可能佢地都係講國語當晒係台灣人, 不過就見得勁多香港人, 喺西門町見到勁多拉喼, 唔知幾時台北人會有"驅香"行動 ::mm1544

      刪除