2014年9月20日 星期六

17.15 また来年、再戰東京 !

二O一四年六月二十七日

來到最後一天, 重點當然是最後衝刺買個不易樂乎, 而通常最後都是離不開那幾處地方, 上野, 原宿, 新宿等, 行完這些地方, 一天就這樣過去了, 回酒店便要展開艱巨的包裝工作, 為明天做駱駝準備.

第一站上野 ~ 每次到上野都是為了到 アメヤ橫丁的新谷商店買冬菇, 不經不覺已經買了很多年, 由之前的阿伯阿婆到現在是兒子負責.

上野站


由第一次來時是賣手信的店舖拆卸後然後再建成為食肆也差不多十年

郁得巴士

アメヤ 橫丁 (2011年相片)

新谷商店 (2011年相片), 現在門面都沒有太大差別, 價格也是.
第二站原宿 ~ 前幾年來原宿除了主要必到 KAMO, Head Porter 還有 Kiddy Land 外, 就是要到竹下通賣偶像歌手物品的店舖, 曾經試過有次因為女兒沒有來日本而幫她在 Johnny's 專門店與那些妹妹仔一起排隊入內購買東西 ::_364 .

竹下通, 無論甚麼時候都人山人海



這隊在出道前女兒曾經買了頗多物品, 現在已經賣得七七八八出去.

足球物品專門店

來這裡主要都是史路比  (2011年相片), 當時還是在 Cat Street
最後一站新宿 ~ 已經到了晚飯時間, 又再吃一次牛舌.




二O一四年六月二十七日

大清早已經收到國泰短訊通知航班會延誤五十分鐘, 但由於已經買了機場巴士票的關係不便再改, 所以很早已經到達機場.


成田機場將會營業的膠囊酒店.



還有在廣島展出的萬事得 AXELA



告示版仍然寫著航班會飛 七時十分.



幸好未入禁區前吃了烏冬, 經過上次之後不敢再在 Food Court 吃飯, 這間店舖味道不錯, 可惜鄰桌有一家四口香港人, 兩大兩小, 其中那兒子應該是小學雞, 甫坐下已經大吵大鬧, 那兩個大人完全無意識阻止, 任由那男孩的聲浪影響其他客人, 為人父母者一定試過小孩子的無理取鬧, 他們發脾氣是常有的, 但遇上這情形那時的我會帶孩子離開食店到外面等他安定下來, 如果還是不能的話只好輪流在外面看守, 另一人在裡面盡快食完, 可能的話都盡量不會帶孩子到比較清靜的食肆, 但那家人自私地任他繼續在裡面吵鬧, 我心裡就期望著不要在機上再遇到這家人.




入了禁區後人山人海, 廣東話的聲浪排山倒海地入耳, 有時候奇怪說話真是需要這樣大聲嗎 ?




進入候機室後原來惡夢才正式開始, 原來的 delay 五十分鐘延長至四小時.

2014 東京 Hea 住遊遊蕩蕩八天 ~ delay no more




後記 : 很少在六月去旅行, 因為女兒讀書時這些日子幾乎是考試旺季, 唯一一次是前幾年去了東北一轉. 今次選擇六月是因為初時計劃來年四,五月可能到意大利探望老公的妹妹, 不過由於家中發生了一些事的緣故, 歐洲的行程會擱置, 轉而計劃在明年年底會再到北海道, 原來冬天的北海道已經相隔了十年有多沒去 (2002年2004年). 初步的計劃都是道東, 念念不忘的是那隻丹頂鶴 (看過 t 先生 的相片更加不能忘記), 不過雪駕的經驗就只一次, 所以去的地方不會多, 只是沿著道東, 十勝, 帶廣, 釧路, 網走以及未去過的紋別, 日數會是十二天左右, 因為要盡量預多點 buffer 給道路和天氣等因素影響, 不過十劃都未有一撇, 餘下還有差不多年多的時間, 今次應該可以慢慢斟酌行程 :)

17.14 拉拉雜雜 ~ 散影東池袋








50 則留言:

  1. 地方不會多, 只是沿著道東, 十勝, 帶廣, 釧路, 網走以及未去過的紋別 <-- 道東及道非常東,還說地方不多?你只是未去羅臼 ...

    回覆刪除
    回覆
    1. 我諗大小姐加個“市“就對,釧路市、帶廣市、網走市⋯⋯

      刪除
    2. 睇落好似好多, 但係好多地方已經去過呢次諗住路過或者宿一宵咁, 主要都係想去道非常東既網走同紋別.

      刪除
  2. 我係咪應該寫番晒兩次冬天去北海道的遊記呢?

    回覆刪除
  3. 講開小朋友大吵大鬧,大人無阻止……剛才我撘巴士返家都遇到呢類情況,個小女孩兩歲多左右,在巴士上哭著找媽咪,旁邊的應該是爸爸的男人既不安撫又不阻止,怪就怪在個小女孩哭了一會就自己玩、好似冇野咁,玩o左一陣又喊過叫著「媽媽」,如是者不停重覆,個男人都唔理佢,搞到個小女孩好似情緒病咁,喊完玩、玩o下又喊o下 ……佢o的情緒咁反覆都係家長做成的 [-(

    回覆刪除
    回覆
    1. 我都唔明點解啲大人完全無動於中任由小朋友大吵大鬧, 嗰時我遇到呢啲情形尷尬到死, 總之好好醜醜都搞掂先.

      刪除
  4. 下年年底有排啦, 10月走番轉紅葉先啦!! >:)

    回覆刪除
    回覆
    1. 啲yen咁平, 唔去對唔住自己啊!!

      刪除
    2. 唉 ! 你估我唔想咩, 不過身不由己咋 :(

      刪除
  5. 郁得巴士未叫友都八喜之前好似叫淀橋 (thankyou) :D

    回覆刪除
    回覆
    1. 1967年(昭和42年) 7月 - 東京・新宿区淀橋(現:西新宿)にて株式会社淀橋写真商会を設立。

      以前可能係曬相鋪。

      刪除
    2. 好野 :-bd 咸豐年既都搵到出黎.

      刪除
  6. 大小姐終於發出道東宣言, 去影 wildlife, 大炮唔少得, 橫惦円係咁跌, 就出支 600F4加 TC1.4X 無得輸, 最多我借支3號腳架比你:D

    回覆刪除
    回覆
    1. 唔爭在,帶埋支波波鏡去。 XD

      刪除
    2. t 先生, 不如倒轉你借支600 我, 我買支腳架 :))

      刪除
    3. Albert, 77mm 啲配件好難搵, 上次喺日本搵原廠 CPL都搵咗好多間, 後來喺大相機至買到, 仲要得一塊咋, 不如你借俾我喇 :))

      刪除
    4. 嘻嘻, 大小姐, nikon 剛出左支 400 f2.8 螢石 VR, 好鬼輕, 呢支一定啱你連腳架都唔駛買 點:D

      刪除
    5. 嘩! 成八皮幾夠去多次囉 :P

      刪除
  7. 回覆
    1. 早排新聞有講,CX/KA編排機種,全線都會有delay。

      刪除
    2. 佢地講話維修問題, 後來唔知邊度飛過架飛機黎, 連位都要從新劃過.

      刪除
    3. コーさん, 咁有冇講全線 delay 到幾時? 定係佢地已經中港融合, 同國內機睇齊 =))

      刪除
    4. 唔係六七月你地去果陣咩,我八月撘已經正常。

      好似睇生果目報知,我留過言,唔記呢度定3J。

      刪除
    5. 呢篇新聞:
      http://hk.apple.nextmedia.com/news/art/20140705/18788991

      刪除
    6. 係喎, 唔怪得嗰排啲機成日delay, 不過遲到好過冇到 ::oo2090

      刪除
    7. 但係DELAAY 4 粒鐘好似過份左D............

      刪除
    8. 如果再 delay 耐少少可以 claim 到保險,而家四粒鐘就唔三唔四 :))

      刪除
  8. 最後一站我也永遠離不開上野, 原宿:))
    要DELAY4個鐘真係好可怕::uu7167

    回覆刪除
    回覆
    1. 上野, 原宿係必去架, 就算之前去咗, 最後嗰日都要去執漏 ::cc9014
      最慘 delay 完四粒鐘返港冇車要打的 ::cc9005

      刪除
  9. 阿媽都成日念念不忘我當年响上野買嘅冬菇同瑤柱,可惜之後啲yen不斷咁升。呢期就嚟七算,睇下有無機會去下先。

    回覆刪除
    回覆
    1. 上野買冬菇啲店舖會自動減價俾你.

      刪除
  10. 野付半島會唔會停一日去欣賞夕陽? 小姐匆匆去過 ^^
    https://www.nhk.or.jp/sawayaka/notsuke.html
    http://1226manwai.blogspot.hk/2013/06/201210d4-6a.html

    回覆刪除
    回覆
    1. 冬天個灣位會冰封咗?

      http://www.vinz.jp/Nature_Winter_hokkaido_todowara.html

      刪除
    2. 夜晚盡量唔揸車,雪地揸夜車危險, t先生成日講 :P

      刪除
    3. 傳說中嘅四方太陽, 不防留一晚碰下運氣

      刪除
    4. 嘻嘻, 唔係日落係睇四方日出, 好似附近有間民宿對住個海
      http://ynawata.asablo.jp/blog/2014/03/05/7237724

      刪除
    5. 心形太陽,我都影過 XDD
      https://www.flickr.com/photos/albertlawkk/15122130387/in/photostream/

      刪除
    6. t 先生野付半島應該唔去, 因為好似唔係太順路, 況且好少專登影日落, 通常依啲時間趕緊去酒店, 而日出呢, 起唔到身 :P

      刪除
    7. Albert, 心形太陽都幾得意喎 :D

      刪除
  11. 作者已經移除這則留言。

    回覆刪除
  12. 果粒藥丸好似照MRI咁, 免費比我都瞓唔著 :D
    成田等機個衛星站都裝修得現代左好多

    回覆刪除
    回覆
    1. MRI 又幾似喎, 但係有得攤吓都幾好如果唔係特別貴既話.
      成田裝修完冇咗無人駕駛行條奈何橋行到死吓死吓 :(

      刪除
  13. delay 四粒鐘..........我實顛,今年搭3次國泰都delay,只係1個鐘左右!

    回覆刪除