2015年4月25日 星期六

2015 一個人在途上 ~ 出走東北 - 預定行程

好像從 2008 年開始在日本自駕遊之後, "哈爾移動城堡"式地每天拿著行李趕火車換酒店形式的旅行已經絕無僅有, 今次還要自己一個人日日往不同地方住不同酒店, 雖然並不怎樣大不了, 但舒服慣了要回歸原點總有種不情不願的感覺, 無奈地老公沒有假期, 自己又想去地方這是唯一途徑, 所以酒店全都訂在距離駅腳程五分鐘內的地方, 同時有好幾處地方已經是重來, 應該不需要花太多時間找酒店, 務求不用拉著行李行太多的路.

今次來回乘搭的是雲哩嗱夜機去早機返, 雖然十天但實際只有八天, 會去東北五天, 在東京便只得三天, 三天內還有今次到日本主要目的的正經事要辦, 原來又是趕、趕、趕.



第一日

香港  →  東京  (第一晚因為夜機到的關係選擇住在成田機場附近)

第二日

整天留在東京辦好要辦的事.

第三日

東京  →  青森  →  青森縣立美術館  →  青森

第四日

青森  →  十和田市現代美術館 (有時間的話會去十和田湖)  →  弘前

第五日

弘前 (市內遊蕩)  →  仙台 (如果早到仙台, 很想去仙台市博物館拜會魯迅 ) 

第六日

仙台  →  鳴子溫泉  →  日本こけし館  →  鳴子峽  →  郡山

第七日

郡山  →  會津若松 ( 鶴ヶ城, 七日町通り, 白虎隊伝承史学館, 会津武家屋敷等等) →  郡山  →                    東京

第八、九日

東京衝刺, 如果好天的話會找一天早上前往高尾山 (記得去年也有計劃上高尾山, 但是月巴一句  "6月上山 . . . 祝你好運啦. ^0^" 和天氣不佳結果沒有成行), 希望今次可以去得成.
還有想去一趟東京國立博物館, 不過拿著老公列出的一張鳩烏清單............. !

第十日

東京  →  香港  (早機)








40 則留言:

  1. 我都整張A3購物清單俾你先... >:)

    回覆刪除
    回覆
    1. 哈哈, 你寫得到我買 >:)

      刪除
    2. 買晒成個東北返嚟吖唔該!! >:)

      刪除
    3. 嘻嘻,咁買副麻雀俾你得喇,唔止東北,送埋西南中發白,筒索萬又點話吖 >:)

      刪除
    4. 咁就要俾學費咯,相信好多人會教你 :))

      刪除
    5. 啲咁用腦嘅野,唔啱我,哈哈!

      刪除
    6. 唔駛用腦,見到人揭牌就俾錢就得 =))

      刪除
  2. 你出走日子多過我,去嘅地方又多過我,好好享受一個人自由在的日子,玩得開心!:-bd

    回覆刪除
    回覆
    1. 多謝,我都好期待那段日子的來臨,畢竟已經太耐無一個人出門,唔知會唔有好多蝦碌事件發生 :P

      刪除
    2. 蝦碌事件或多或少都會有,最緊要對自己有信心,任何事都解決到

      刪除
    3. 好彩一個人就算蝦碌咗都唔會俾人埋怨 [-O>

      刪除
  3. 一個人之旅 , 正丫 ~ 超羨慕呀 . (我今年行程告吹)
    唯有等你返黎參觀你既遊記當自己玩埋一份啦 . =_= !!

    回覆刪除
    回覆
    1. 一個人之旅 man wai 你已經駕輕就熟,我就好羨慕你有車牌可以自己揸車,唔駛度火車時刻度到頭都大 :)

      刪除
    2. 哦 ~ 乜你今次係JR遊 , 仲以為自駕遊添 .
      咁就輪到我佩服你咯 , 掉番轉呢個行程要我JR遊既話 ,
      真係無從入手 . ^^

      刪除
    3. 係呀, 今次係JR遊, 不過太耐無咁玩法一切都好似好陌生, 不過好彩而家上網可以好容易咁搵到啲資訊.

      刪除
  4. 又多一個一個人旅行,好勁呀去12日, 玩得開心d呀!

    回覆刪除
    回覆
    1. 多謝, 到咗好似我地咁甩到身, 就可以賣甩晒人一個人去旅行 :D

      刪除
  5. 原來你咁鍾意睇美術館。

    你唔興將行李寄宅急便㗎? 咁咪可以有啲日子住得山旮旯啲囉。

    回覆刪除
    回覆
    1. 今次係一個人唔駛就人, 就盡量去一啲自己想去既地方囉.
      其實都係一隻細喼拉得掂嘅, 我就係唔想住得咁山旮旯, 因為怕.........::cc7116

      刪除
    2. 唔係山旮旯先有鬼既, 總有一隻係你左緊, 哈哈!! >:)

      刪除
    3. ╮(╯_╰)╭ 蜻蜓咁嚇人㗎.....

      刪除
    4. 城市啲酒店細細間夠晒人氣,點似得山旮旯啲温泉旅館,講下都百幾年歷史,浄係個老闆都幾隻啦 >:)

      刪除
    5. 輝哥你唔駛理蜻蜓架,佢成日都鍾意嚇人 >:)

      刪除
    6. Nerissa你望下你隔離... >:)

      刪除
    7. 哈哈,我隔離..........係隻狗 =))

      刪除
    8. 今晚整個午夜凶鈴你嘆,哈…

      刪除
    9. 哈哈,你唔知我有瞓覺閂手提電話既習慣,好彩你唔知我個固網啫 :))

      刪除
    10. 閂左電話佢都仲識得響你先驚..... >:)

      刪除
    11. 我成日都聽唔到電話響,俾人話我有電話都癈,佢響到爛都唔知 =))

      刪除
  6. 好開心見到有福島的行程,福島仍然冇咩遊客去,唔知咩環境 8->

    回覆刪除
    回覆
    1. 如果今次係自駕既話, 我諗我會兜去睇吓而家環境係點.

      刪除
  7. 去買樓呀?
    去國立博物館可以去埋隔離科學博物館睇下揾唔揾到忠犬八公

    回覆刪除
    回覆
    1. 係呀,去簽屋契呀 :))
      八千公唔係喺涉谷咩?

      刪除
    2. 真身就是在科學博物館內, 以為你咁鍾意狗, 都會知道八公故事添

      刪除
    3. 我知道八千公架,不過係李察基爾嗰套戲之嘛 :P

      刪除
  8. [好像從 2008 年開始在日本自駕遊之後, 每天拿著行李趕火車換酒店形式的旅行已經絕無僅有]
    我自2007年開始自駕遊之後,到今天都未試過跟團或者不自駕遊的旅遊方式了。所以我話我自駕遊中毒太深已致不能自拔既程度喇。

    回覆刪除
    回覆
    1. 自駕既自由度係其他旅遊方式所無既,我最鍾意係唔駛揾地方放行李,車連人連行李一齊走,今趟我就要日日諗退房後將啲行李放喺邊至去得玩。

      刪除
  9. 一個人踩十日~厲害~~我妹自己單拖旅行~會狂用宅急便將件大行李寄黎寄去~~
    自己只carry個普通size旅行袋~袋住一兩晚的東西

    回覆刪除
    回覆
    1. 如果可以留耐啲我仲想玩多幾日,不過驚有人詐形咋 XD
      我隻拉喼其實好細架,所以反而鍾意將行李擺 locker ,因為有啲野都要手提可以一齊擺埋入去。

      刪除