2015年4月5日 星期日

無常人生 ~ 奈良美智

認識奈良美智是在 "路過蜻蜓" 網誌內的兩隻青森犬和弘前犬, 也是因為要親睹這兩隻狗所以選擇六月去東北一趟, 未去之先剛巧他的展覽在香港展出, 所以怎也應該去朝聖一會.

展覽在亞洲協會香港中心展出, 原先摸不著頭腦在那個地方, 後來找到是在金鐘英國領事館旁邊, 沒有在金鐘返工有一段時間, 記得那時每天都會經過正義道, 原來已經改變了不少.








展覽館不可攝影, 唯一可以影到作品的地方是升降機的每扇門.





中心由舊有的英軍軍火庫改建, 配合現代建築保留下來, 所以不一定要改建為不倫不類的豪宅項目.




很喜歡舊建築物, 喜歡有歷史的地方.






終於在香港也找到舊建築改裝的洗手間.












百年古樹.




旁邊是新式建築群太古廣場.






紀念品很多已經缺貨, 而且價錢不便宜.


 

再次行至夏慤道, 道路開通了, 但人心呢 ?





多謝仍然堅守的你們.


經過灣仔發現現代化中的一點古舊.


無常人生 ~ 最近發生幾宗意外和自殺事件, 正好反映人生的無常, 還是老土的那句.

"活在當下, 珍惜眼前人"


七月二十三日為了想買那隻白色狗仔再去了一次, 但是同樣空手而回, 不過影了幾張上次遺漏了的山坡上的狗仔.



 


 











43 則留言:

  1. 奈良美智 ~ 好耐之前都聽過佢個名 , 青森 果邊亦有個展館 ,
    不過從未一遊 , 覺得都幾特別 .
    無常人生 , 最近我都領略到 .

    回覆刪除
    回覆
    1. man wai,所以要珍惜享受我地既每一天,因為好多事情唔係在我地掌握之中。

      刪除
  2. 應該學著名blogger偷拍一些館內展品。

    回覆刪除
    回覆
    1. koosan, 唔係偷拍, 可能係手不受大腦嘅直接反應 :D

      刪除
    2. 等我今日仲攞部新機仔諗住剪綵添,原來唔俾影相 :P
      偷拍呢啲我唔會做既,我都好唔鍾意嗰啲明知故犯既人。
      今日都見到有啲扮打電話可能影咗相既人,根本呢啲一擺上分享網站就會俾人知你犯規,如果唔擺咁影黎做乜,展覽送既書仔都有少少喇。

      刪除
    3. 大小姐部新機影很好好喎, 乜牌子?

      刪除
    4. 我都唔贊成偷拍 , 好似台灣李蒨蓉小姐 , 就係咁樣瀨大鑊 .

      刪除
    5. 正所謂寧俾人知莫俾人見,而家啲人明知擺出黎就乜都爆晒都要擺。

      刪除
    6. t 先生新機仔同舊機仔真係有分別咩?

      刪除
    7. 應該學著名blogger偷拍一些館內展品 > 笑左
      講得太揚了XDD

      刪除
    8. 偷拍又擺出黎咁即係講俾人知做咗唔應該做既野,其實佢想人讚定係...........?

      刪除
  3. 大小姐, 請問馬坑是否保持百年模樣 :D

    回覆刪除
    回覆
    1. t 先生,馬坑喺邊度架?

      刪除
    2. 馬坑咪係大小便之處囉 :D

      刪除
    3. 乜唔係叫..........屎坑咩 =))

      刪除
    4. 係喎,唔記得入去望望 :))

      刪除
    5. 其實我都真係想知百年前英式廁所係點樣 :D

      刪除
    6. 有時間你都去行o下,順便講我知個廁所係點樣 :))

      刪除
    7. 我都唔知馬坑就係屎坑添

      刪除
    8. 哈哈,我淨係知古時叫茅廁 =))

      刪除
  4. 唔係有個室外位擺左mini版弘前犬咩?雜誌同網上都見過人post,偷拍的?

    回覆刪除
    回覆
    1. 有好多好似弘前犬喺室內,不過室外應該冇,雜誌可能俾佢地影,網上 post 嗰啲咪可能詐諦講電話影既囉,所以好似日本啲電話影相功能啲聲唔可以 mute。

      刪除
  5. 8吓先,你部L機買咗幾銀呀?

    回覆刪除
    回覆
    1. 和豚媽媽好嘢 :-bd , 淨睇相已經知道乜機.
      部機係L 最cheap 嗰隻傻瓜機, 折實5.6K行貨.

      刪除
    2. 印有L牌都有兩隻牌子 Lexxx 定 Luxxx, 之不過隨左價不同外, 基本上都係 P牌產品 :D

      刪除
    3. 同一樣產品, 價錢不同之外, 仲有虛榮感 :x

      刪除
    4. to Nerissa : 即係Toyota同Lexus咁,貪慕虛榮做人先有動力吖嘛!今日就收到大當家送嘅生日虛榮 :D
      to t :不盡是~ 德國大婆生嘅除外 =))

      刪除
    5. 和豚媽媽, 生日快樂 <:-P
      有生日虛榮 ::_382 滿載 !

      刪除
    6. 現在用拉架數碼機會比人笑 :D

      刪除
    7. 唔明?而家仲有菲林機?

      刪除
    8. 所以我用儍瓜機,死鬼老豆嗰部菲林機放咗喺老媽子床下底 =))

      刪除
    9. 我屋企啲菲林機已經賣晒咯。

      刪除
    10. 老豆部拉卡大大話話有六十年,等擺多十零廿年攞去拍賣會,換部車揸吓都好吖 :P

      刪除
    11. 有梯屎拉架人只係用M機, M即係mechanical, 宜家M機隨波遂浪變成數碼機, 真係九唔撘八 :D

      刪除
    12. 買這架機好大程度因為有 viewfinder 同埋攞上手比較紮實,唔似而家用緊既 Sony 仔咁跌到崩晒。

      刪除
    13. 我就大細機都係C牌子

      刪除
    14. 我用咗 Sony 機仔好耐呢部都係第三四部,不過而家出既機冇 viewfinder,大太陽時根本睇唔到個 mon好多時都係靠估黎影,所以想搵一部有既,咁買都想買部好小小黎用咁話。

      刪除
    15. 想問下你部係咪D-Lux6嚟架,如果係,可以幫我度一下個LCD panel個dimension嗎? in mm吖,唔該!

      刪除
    16. 我部係 C仔咋, 唔係D-Lux6.

      刪除
    17. 唔駛唔該, 幫唔到你添 :P

      刪除