六月六日的更新 :
女兒到日本已經差不多一個月了, 一切都已經 settle down, 明天還開始返工了, 是一日做六個鐘的 part time.
她已經由最初每日食烏冬到現在會在家煮飯, 煮出來的東西也可以給相機吃.
在這段期間最擔心的是上星期六東京的地震, 全部山手線電車停開, 那時已經是晚上十時許, 她還濟在新宿, 她住的地方需在池袋轉車, 幸好最後轉搭另一路線, 輾轉返家已經十二時許, 那時的我才可以舒一口氣.
二O一五年五月十一日
今天, 女兒往日本去了, 今次她並不是純粹旅遊, 而是因為工作假期, 所以會預算逗留一年左右.
她讀的是 "日文與日本文化" (興趣可能由於她自一年級開始每年都去一次日本, 接觸很多日本的文化與歷史有關), 一科在香港"搵唔到食"的科目, 但是在中小學都沒有選擇權, 這個階段便由她自主一下, 讀一些她真的感到有興趣去讀的東西, 或許有天她覺得不足夠自然會再進修, 總相信人人頭上都有自己的一片天.
自從畢業之後到日本生活繼續讀書是她的夢想, 奈何當時我和她爸爸因為某些原因相繼離開做了多年的公司, 所以她沒有條件去實現夢想, 在這兩年間她進入了香港的日本公司工作, 汲取了一些工作經驗, 也加強日文根基, 跟著儲了一些錢, 去年年尾申請了往日本的工作假期, 當時估不到她爸爸會反對, 他認為她還是港孩+港女, 擔心她照顧不了自己, 但是工作假期是有年齡限制, 錯失了便不會有的機會, 最後老公也答應了, 在這幾個月很明顯地發覺他原來很捨不得女兒.
這也是為何我在六月自己會一個人飛日本的原因, 除了會再帶一些衣物給她外, 也是老公希望我去看看, 例如住的地方, 生活情況等等, 當然地我非常樂意接受這任務.
老實說這一年裡我知道我是會擔心的, 但始終這是一個難得的機會.
加油, 女兒 !
往後一年我倆會過回結婚初期的生活模式, 兩人一狗的日子.
當時朋友因為家中的問題給我們領養的摩天使 Ken仔, 可惜因為女兒出世後對毛毛敏感又要再交給朋友.
還有遇到重大難題的 Candy Crush 沒有人幫忙過關 ::_381
女兒到日本已經差不多一個月了, 一切都已經 settle down, 明天還開始返工了, 是一日做六個鐘的 part time.
她已經由最初每日食烏冬到現在會在家煮飯, 煮出來的東西也可以給相機吃.
在這段期間最擔心的是上星期六東京的地震, 全部山手線電車停開, 那時已經是晚上十時許, 她還濟在新宿, 她住的地方需在池袋轉車, 幸好最後轉搭另一路線, 輾轉返家已經十二時許, 那時的我才可以舒一口氣.
二O一五年五月十一日
今天, 女兒往日本去了, 今次她並不是純粹旅遊, 而是因為工作假期, 所以會預算逗留一年左右.
她讀的是 "日文與日本文化" (興趣可能由於她自一年級開始每年都去一次日本, 接觸很多日本的文化與歷史有關), 一科在香港"搵唔到食"的科目, 但是在中小學都沒有選擇權, 這個階段便由她自主一下, 讀一些她真的感到有興趣去讀的東西, 或許有天她覺得不足夠自然會再進修, 總相信人人頭上都有自己的一片天.
自從畢業之後到日本生活繼續讀書是她的夢想, 奈何當時我和她爸爸因為某些原因相繼離開做了多年的公司, 所以她沒有條件去實現夢想, 在這兩年間她進入了香港的日本公司工作, 汲取了一些工作經驗, 也加強日文根基, 跟著儲了一些錢, 去年年尾申請了往日本的工作假期, 當時估不到她爸爸會反對, 他認為她還是港孩+港女, 擔心她照顧不了自己, 但是工作假期是有年齡限制, 錯失了便不會有的機會, 最後老公也答應了, 在這幾個月很明顯地發覺他原來很捨不得女兒.
這也是為何我在六月自己會一個人飛日本的原因, 除了會再帶一些衣物給她外, 也是老公希望我去看看, 例如住的地方, 生活情況等等, 當然地我非常樂意接受這任務.
老實說這一年裡我知道我是會擔心的, 但始終這是一個難得的機會.
加油, 女兒 !
往後一年我倆會過回結婚初期的生活模式, 兩人一狗的日子.
當時朋友因為家中的問題給我們領養的摩天使 Ken仔, 可惜因為女兒出世後對毛毛敏感又要再交給朋友.
還有遇到重大難題的 Candy Crush 沒有人幫忙過關 ::_381
難得佢有興趣, 就比佢去見讖下, 不過依加whatsapp, email 十分方便, 可以日日聯絡, 祝你囡囡一路順風, 加油!
回覆刪除多謝, Niseko2000.
刪除不過而家啲九十後唔會日日報到, 一出去就冇尾飛陀, 一星期收到一個已經偷笑 ;))
機票咁平，你一個月飛一次都得。
回覆刪除我都想呀, 不過點學到你一個月飛幾次, 仲密過我過九龍 :))
刪除港孩+港女先至要佢學識獨立，當初我個仔去英國讀書我同老公都無唔捨得，仲衰到唔陪佢過去開學添，過到去煮飯、洗衫、清潔咩都要自己做，講真經過差唔多兩年感覺佢真係獨立咗好多
回覆刪除無錯宜家D九十後係唔會日日報到，有時一個星期都唔會skype一次，算喇，其實有時都唔係日日有嘢傾，唔通日日問佢幾點起身，今日做咗咩、食咗咩，我都覺得自己無聊
坦白講，宜家慣咗兩個人，佢番嚟仲唔慣，仲有一個月佢就放暑假返來，我又要招呼多一個人
我都係覺得趁呢個機會俾佢獨立，學識洗衫煮飯，唔好成日話我煮既野難食。
刪除不過佢爸爸就好唔捨得，成日問佢去到會點，識唔識乜識唔識物，不過咁就做就我有機會自己飛一次 :))
唔識嘅就要佢去學識，可能你老公太錫個女，所以唔捨得，將來如果我個仔要去工作假期，我都會由得佢
刪除哈哈，學コーさん話，趁機票平飛多幾次囉，日本咁近
其實去日本已經好好，佢而家住嗰度話晒都有洗衣機電飯煲，雖然係公用，但日本人做野有條有理就係人都知，整完晒都要學埋有手尾。
刪除唉，機票平都要有時間，我又冇コーさん咁多時間快閃 :P
乜隻狗咁攪笑尤其第二幅, 趁年少有少年夢就去遠方闖一闖罷, 已前我都曾經獨自去了美加三個月,由西岸去到東岸, 確實㑹增廣見聞, 返到香港可以同人吹牛 ^^ 我個外甥女仲厲害, 由小四至今大學畢業都係外國渡過, 一年光景好快過, 當自己訂左架 macan, 一年至收到車囉 :D 不用太擔心同用心, 當今年靑人有智慧
回覆刪除嗰時冇寵物美容所以啲毛好長都冇剪。
刪除我自己後生時都係周圍去，都曾經喺英國兩個幾月其中又去o下歐洲，依啲係年輕唔會太多顧慮時做既事，年紀越大越多顧慮就唔會成事 。
一年好快過，紅葉去一次落雪去一次就返黎 :))
大小姐, 我買左D野, 但日文唔太明, 可唔可比代為翻譯一下?※商品代引は送付先でのご請求に
刪除なります。クレジット決済ではございません。
￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣
※ご注文後のご変更・キャンセルはできかねます。ご了承ください。
￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣￣
呢度高手雲集, 要我班門弄斧, 譯得唔好會俾人笑架 :P
刪除第一句好似話唔用得信用咭.
第二句話落單後唔可以改同取消.
oh, 先謝.
刪除即係買到 :D
Sorry，睇漏最上嗰句，好似話商品送到時要俾現金唔可以用信用咭 :P
刪除咁係咪即係買唔到？
刪除外甥月尾去大阪, 機場已經買唔到平酒, 所以上網買送貨到酒店, 即係貨到酒店比現金 :D
刪除明白 :)
刪除酒店一般唔肯收着払い，代引，你要問清楚酒店。
刪除叫左晚八時後送到酒店, 佢地應該 check 左 in :)
刪除咁佢地要坐定lobby等收貨。
刪除貨已收, 謝謝兩位高手 :)
刪除客氣啦！
刪除去日本工作假期一年 , 好堅呀. 佩服 ~
回覆刪除俾著我一定思鄉病發 . XD
man wai 你應該未超齡不如去試試，或者到時樂不思蜀都未定 :D
刪除咁多媽媽响度，補祝一句母親節快樂。
回覆刪除如果我遲廿年出世，又屋企又負擔到，我都想去呀。
幫你阿囡打氣，加油!
Working holiday 唔係三十前？唔洗遲廿年咁誇張？
刪除多謝, 輝哥.
刪除輝哥你而家淨係去holiday, 唔駛working仲好啦 :))
コーさん, 輝哥寫錯係廿個月至啱, 緊緊過左好唔抵 =))
刪除正確嚟講係响香港搏命working, 為咗响日本享受holiday。
刪除哈哈，無可能丢低工作出走成年咁耐啦。機會留俾後生仔女喏。
輝哥你就真係秉承得到 work hard play hard 呢個宗旨 :D
刪除Candy Crush你要過關飛add我咪得囉!! >:) 再唔係自己開多幾個account!! >:)
回覆刪除而家有關玩左好耐都過唔到, 你幫我玩? >:)
刪除我有排先追到你, 梗係唔幫你過啦, 過唔到可以等埋我, 哈哈!! >:)
刪除嘻嘻，已經過到688下一關689，一定要盡快KO佢，免得眼寃。
刪除哈哈哈，望都望689過唔到呢關啦，千其唔好過啊！
刪除哈哈哈哈，啱啱KO咗689 >:)
刪除人生有幾多個夢想，更難得是可以實現，就放心女兒去，一年時間好快過的﹗
回覆刪除多謝你，我都覺得有夢想既人生才會積極，既然屋企可以 support ，我都希望佢可以去闖一下，到將來回望都會記得曾經有這麼樣的經驗。
刪除個女一日唔出去闖，一路都仍會係你老公所講既港女。
回覆刪除一日唔出去闖就唔會知道獨立生活的艱辛，呢一年就當做一種磨練。
刪除其實我唔覺得呢個搵唔到食~讀得呢d就要識日文~雖然日文現在無以前咁吃香~
回覆刪除不過回港搵日資企業(要求識日文果d)應該唔難
日資企業我都打過4年工~雖然唔會十分好pay不過對女人黎講好stable
佢之前都係做日本公司，不過日本公司喺香港越來越萎縮，間間都北望神州搬晒上大陸，好難搵得到較有規模，好既就如你所講做既人好 stable唔會點走，不過以後既等佢自己去諗，所以希望佢今次去完返黎會認真諗諗以後應該點走。
刪除我超齡，如果唔係我都想去＾＾
回覆刪除所以覺得機會好難得應該俾佢去試試，唔係過多幾年想去都超齡。
刪除我弟弟都會在這個月尾去澳洲 working holiday，雖然我地平時唔係時常見面，但想起他要去到那麼遠又咁長時間 (言談間似是不打算一年就回來)，我都會唔捨得，更何況那是你們的女兒，所以不難理解她爸爸的擔心和不捨
回覆刪除但我仍然很支持他們趁年青、最緊要是沒有負擔的時候去做一些自己想做的事，到外面闖一闖、見識一下外面的世界，始終人越大就越多東西要顧慮，例如情人、工作、家庭，所以趁年青去任性一下也好、體驗一下也好，還是應該放手讓他們去試的
而家既年輕人好幸福，無咩錢都可以去自己嚮往既地方玩o下，住o下，做o下野，我地以前冇錢就邊度都唔駛去，就算去咗想住耐啲都唔得。
刪除我老公真係好唔捨得個女，嗰日送佢機場，入閘時個女攬住隻狗喊，我見到我老公都眼濕濕，啲人咪話女兒係爸爸前世情人喎 :)
而家我咪成日同老公講話 LCC 咁平咪自己飛一轉，佢又𠵱𠵱哦哦。
或者我比較放任一點，年輕時都試過不顧後果辭職出去玩，所以喺我來說這不是甚麼大不了，亦沒有反對的理由，要擔心的話都唔會俾佢知，總之俾佢知道屋企係 support 住佢，等佢唔會有後顧之憂出去闖一闖，唔會將來俾自己遺憾。
刪除Nerissa，睇仔女年紀相信我同你都算係同年代嘅人，你都好响年輕時辭咗職可以周圍去玩，我辭咗職就要乖乖哋搵第二份工，結婚前都只係去過幾次旅行，結婚後初期就一年一次，之後家庭經濟慢慢好D，先至去多咗，年紀越嚟越大，感覺時間越嚟越少，所以近幾年一有時間就去玩，玩得幾多得幾多
刪除我年齡比你們大，我就無得選擇辭左份工先搵第二份工。我只係由2007年開始先至開左去旅遊，近呢幾年，就每年去幾次。原因都係襯仲可以行得走得，開得車，就玩得幾多得幾多。
刪除3J 家庭同師公,
刪除可能我比較好彩第一份工入咗國泰, 喺出外旅行尚叫做奢侈既年代有得周圍飛, 又或者我地處於在香港最好的年代, 當時事求人多於人求事, 俾我放膽去做一啲年少輕狂行為, 因為如果當時稍有顧慮的話相信都唔會做.
我同你地一樣趁住行得走得周圍去, 人既野話唔埋, 今日唔知明日事, 有快樂時且快樂 :)
刪除e, 大小姐, 就快出發 :)
回覆刪除否決政改之日就是我離港之時.
刪除希望泛民唔好辜負928幾十日既雨傘運動.
煮出來的東西也可以給相機吃 ← 笑死我 :)) 不過這正是我們的習慣嘛 :P
回覆刪除佢之前煮嗰啲唔見得人 [-X , 直到覺得可以影相至俾我地睇吓.
刪除