2015年7月11日 星期六

18.1 關東 ~ 成田到著

二O一五年六月十七日 (晴)

話說第一次坐 LCC, 與傳統航空公司比較很多地方都不慣, 因為習慣在中環做 City Check in 然後兩手 fing fing 往機場, 有時甚至隔晚 check in 第二天早上在中環飲完茶才坐機鐵出去, 到達機場進入 Lounge 坐坐拿支水然後到閘口他他條條上機.

今次到達機場後想排隊都不知在那裡排, 因為坐的雲哩那連招牌也欠奉, 未到 check in 時間櫃檯是那個也不知道, 直到差不多時間見有人排隊再問問, 答案都是"可能是".
Check in 入閘後要坐車回 T1再坐車出衛星廊, 由於是首次從那裡上機, 一切都不敢怠慢, 所以連去 Lounge 取水也放棄, 匆匆在販賣機買了一樽貴茶便坐車出去.











因為太肚餓也要買三文治, 搭 LCC 因為沒飲品沒飛機餐原來四個多小時可以連洗手間也不用去 ;)) .


到達成田機場T3過 immigration 和領取行李都很快, 不過到海關就遇上長長的人龍, 原來差不多每個人都要開喼檢查, 竟然就這樣破了去那麼多次日本第一次要開喼的記錄.
因為夜機到的緣故, 為了不用趕出東京所以選擇在成田機場的東橫 INN住一晚, 但因為東橫的 shuttle 只在 T1和T2 有站, 唯有推著沈重的行李由T3 行去T2坐車, 但途中還是有些地方用不到trolley, 總之非常艱辛地才行到T2, 本來已經決定要將給女兒的一袋放在 locker 翌日才取, 但在 T2見到有行李寄存服務雖然貴些已經不想再找, 務求卸下一件得一件便算.
然後到巴士站等 shuttle 到酒店, 原本只得我一個人在等, 之後一團強國人到達, 這時見識到強國人的威力, 巴士到達我差點連車也上不到, 那日本人司機不知怎樣分到我不是他們那一夥, 幫忙我將行李放進車廂, 到達更將我的行李第一個拿給我, 讓我可以第一時間衝入酒店 check in.
Check in 後上房發現酒店給我的是一間最不想要的超大的房間, 已經不習慣一個人還要一間這樣的房, 所以那晚輾轉反側到兩時許也在數羊仔, 好不容易睡著醒來才四時許怎也不能再睡, 索性起床開通那張原本要女兒幫忙才搞的上網咭, 竟然給我搞掂.

二O一五年六月十八日 (晴)

成田機場東橫 INN, 不像一般的東橫.


強國人準備離開, 原本也希望在酒店吃早餐, 但到達餐廳見到那賓虛的場面掉頭便走.




從房間望出去的景色, 原來與 T3只是一街之隔.





大得驚人的房間.



到達東京會合女兒後晚餐吃蟹, 她到東京後一切都慳, 連飯都在家煮很少到外面吃, 更加不會吃一餐已經差不多等於一天半工資的飯.

2014 年相片












2015 一個人在途上 ~ 出走東北 - 小小總結


18.2 尋找青森犬@青森縣立美術館





53 則留言:

  1. 不瞞你説・・我還没去過かに道楽。
    因為對我來説、太高級~!哈哈哈(笑)

    可是你介紹的かに料理都很好吃的樣子。
    有機會的話、我想去!

    回覆刪除
    回覆
    1. 女兒很喜歡吃蟹, 所以便和她吃.
      新宿的かに道楽如果去吃的話最好預先訂位因為 walk in 一般要等候.

      刪除
    2. 昨夜亞如風介紹果個90分鐘蟹放題睇黎都唔錯咁

      刪除
    3. 不過我覺得食蟹喺90分鐘要連燒連食好趕吓,今次咁樣食都食咗兩粒幾鐘。

      刪除
    4. 頭果90分鐘係進攻, 跟住有三粒鐘可以瞓下覺 :D

      刪除
    5. 食飽眠一眠,快活過神仙 :))

      刪除
    6. 係呀,次次食蟹道樂都食好耐、好飽。你啲個有焗芝士就更漏更飽啦。

      刪除
    7. 蟹道樂好奇怪, 訂位時佢話六點冇位要訂五點, 但係我地食到七點幾.

      刪除
  2. 豬扒三文治好食嗎? menu中我最想試呢個。

    竟然未試過開喼? 有乜可能?

    朋友教我每次都要作狀開喼俾佢睇,就好無咁易開嚟查。

    回覆刪除
    回覆
    1. 唔好食,其實係免治豬肉可樂餅夾麵包而且凍冰冰,如果唔係驚肚餓一定唔會食。
      去過咁多個機場都未試過叫開喼,不過好多人都話因為丅3係LCC落所以會嚴啲。今次有冇叫你開喼?

      刪除
    2. 我出名黑仔達,到邊都俾人驗屍咁驗㗎。

      刪除
    3. 今次唔例外,的確感覺比T2更嚴

      刪除
    4. "作狀開喼俾佢睇"都真係要開喼XD
      平時T2俾張紙同passport 就已經放行, 開喼好麻煩, 今次擰黎擰去都開唔到個密碼鎖, 佢索性問幾多號幫我開埋 :))

      刪除
  3. N年前我喺名古屋機場都試過要開喼,最搞笑同行朋友行李喼柄都俾海關拆開睇有冇野喺入面,完全唔知佢地想點!哩間東橫inn真係超大,抵住

    回覆刪除
    回覆
    1. 可能好多時我地都係一家大細咁過會鬆啲,今次見我一個人咁多嘢咪睇吓,好彩佢冇問仲乜拎咁多冬天衫 :P
      呢間東橫都好難訂,本來預算連走前一晚都住,不過已經滿晒。

      刪除
  4. 我只去過日本3次,但都未有被要求開喼。

    回覆刪除
  5. 我對上果次都有開篋搜略 . =_= !!
    成田東橫果然夠旗艦 , 收費貴唔貴 ?
    好正的一個蟹宴 , 流左口水添 . haha ...

    回覆刪除
    回覆
    1. 係咪見到單身既會check多啲,以前同我老公一齊推住架車都可以直行直過。
      呢間東橫同其他既差不多,五千四百円。

      刪除
    2. 我諗一個人出門 , 開篋搜查機會率 , 點都高過一家大細 . :P
      5400Yen ? 抵住喎 , 淨係空間感都唔止啦 . ^^

      刪除
    3. 單身多數CHECK,另外你留日數目與你行李數量不成比例,又會CHECK。

      剛剛一次發現個hints,我答佢來日本shopping,要買好多野走,佢望一望我件行李似好輕,就放了。

      刪除
    4. man wai 你慣咗一個人去旅行, 空間大對你唔會係問題, 但我一個人就情願住間一開門就見到張床既細房 ::cc9132

      刪除
    5. 個海關見到我推住架車重甸甸就知我唔少嘢, 開喼仲見全部冬天衫, 不過佢都冇問.
      以前以為淨係會check 佢地啲國民入境有冇啲乜要課稅, 原來連遊客都會check.

      刪除
    6. 見你有冬天衫佢無問你係咪跳飛機咩 :D
      可能個喼大, 去親日本十次九次都要開喼比佢地睇睇, 反而去美加同英國就無試過.

      刪除
    7. 好彩佢冇懷疑我係咪想逾期居留到冬天都唔走 ;))
      我反而嗰時去英國就審犯咁審問我去英國做乜又開喼睇帶咗乜.

      刪除
    8. check 喼我哋都有試過,不過次數唔多,最唔like係當我要趕車時先至話要check囉...阻住哂..
      上次我一個人出走都幾驚要 check,因為已經遲咗又要趕火車,好在唔駛咋...

      刪除
    9. 昨天入境冇check,都係同一招,說來日本shopping,要買好多野啊!就放了。

      刪除
    10. 3J家庭, check 喼我係第一次咋, 通常入境阻住都係等攞行李, 之後出海關就好快, 今次見排長龍都知道凶多吉少.

      刪除
    11. 哈哈, コーさん你真係去日本shopping 喎,買好多野啊!

      刪除
    12. コーさん你係講"濕平"定"卡依麽羅"?

      刪除
  6. 個蟹餐好正呀,睇到我流晒口水﹗

    回覆刪除
    回覆
    1. かに道楽好多分店, 無論去邊個城市都會有間喺左近 =P~

      刪除
  7. 從未見過咁壯觀既東橫INN呀! 間房大成咁呀:-O 價錢同出面東橫一樣價?

    回覆刪除
    回覆
    1. 估唔到東橫INN會係咁樣, 外表完全大酒店格局 但價錢應該差不多, 我住間單人房5,400円.

      刪除
    2. 一樣咁平WOR, 好抵住呀~

      刪除
    3. 如果夜機到早機走住一晚真係好方便.

      刪除
  8. 我次次去日本都要開喼...
    一個人唔想去去蟹道樂食﹐驚食唔哂

    回覆刪除
    回覆
    1. 咁睇好似單身通常都會要求開喼.
      蟹道樂一人前既餐應該食得晒既因為每樣都少少但又可以試到幾種煮法.

      刪除
  9. 1人旅我又未試過要開背囊check喎!!

    回覆刪除
    回覆
    1. 可能海關覺得背囊客唔會走水貨 :))

      刪除
    2. 離題啦,我地講緊開「喼」。

      背包通常唔check.

      刪除
    3. 係因為喼一打開就睇晒, 所以好多時都會check?

      刪除
    4. 我開嗰個係隻袋, 佢摷咗面頭啲衫出黎再用手伸入去摸摸就講OK, 反而隻拉喼完全冇理.

      刪除
  10. 我覺得單拖友最易俾人捉~~~男人被捉機會感覺上更高

    回覆刪除
    回覆
    1. 我都覺得一個人係好易俾人check.

      刪除
    2. 我去十次check足七次,開喼同搜背囊。所以無乜感覺,唔check當bonus。

      刪除
    3. 下次講我知你幾時飛等我唔好同你一齊到 XD

      刪除
  11. 我同事最近 5 月果次撘香草凌晨機,delay 到早上、再到下午 5pm、最後係晚上凌晨先起飛、足足遲o左一日,所以佢已經 blacklist o左香草了

    回覆刪除
    回覆
    1. 咁慘! 係咪就係上電視新聞嗰次?
      有時啱啱架機有事都冇符, 我都試過坐ANA 由中午機delay到凌晨.

      刪除
    2. 有冇上電視新聞我就冇留意,但登o左報紙頭條,因為我同事個蝦子餅o係報館做的 :))

      刪除
  12. 間房又真的大得很!!!

    回覆刪除
    回覆
    1. 簡直就係一間豪華雙人房, 一個人瞓嗰幾個鐘實在太浪費 :P

      刪除