2015年7月4日 星期六

2015 一個人在途上 ~ 出走東北 - 買物

每次去日本回港都是做"咕喱"一樣, 覺得人只有兩隻手實在太少了, 但今次一人之旅發現原來喜歡 shopping 的人不是我, 今次整日留在東京有三天東北有五天, 留在東北的日子每天六時多吃完晚飯便回酒店完全沒有行街, 即使在仙台和郡山站附近有大型商場也沒有去逛, 到東京同女兒也一樣, 一起買完清單上的物品便吃飯然後回酒店, 試過第一天在新宿因為訂位晚飯未夠鐘而在餐廳樓下兜圈也沒有行入百貨公司或商場.

今次因為搭LCC雲哩那, 預先來回都買了 25kg, 因為就算買 30kg 我也拿不動, 去程因為帶東西給女兒所以有 23kg 差不多用盡, 但回程便 15kg 也不到, check in 時地勤哥哥還戲謔我說還有 10kg 要不要搵多些東西寄倉 >_< !!

去程時的行李, 只是藍色那袋給女兒的已經根本拿不起, 到東京時一拐一拐連拖帶拉好不容易找到 locker 寄存再與女兒分兩袋每人一袋拿回她家, 但始終還帶漏了床單, 回港後要寄給她.


鳴子溫泉的小芥子



會津若松的名物


女兒喜歡的黑子福島限定


食品就只有這些, 蘋果批和牛舌乾每樣留下一包給女兒.


老公的清單, 完成都有 80%



茶々佔的比例算多, 牠已經曉得每次有人旅行回來一定有手信給牠而跳來跳去催促開喼 ::_1553



晴天娃娃 ~ 希望晴天娃娃可以幫忙每次旅行都天天天晴.


送給 blog 友的 BB.


女兒買給嫲嫲的禮物, 她說嫲嫲最好看是穿粉紅色.


朋友托買的


女兒挾公仔的特典送給堂細佬, 她去日本後最進步的是挾公仔, 她說已經掌握到竅門 ::cc9019


香港有"限奶令", 日本那間 M字頭大型連鎖藥店也有限購, 左側幫朋友買的很多店舖缺貨, 有的每次只可買兩包, 連龍角散也是, 早知就在東北買.



以下就是自己的 ::_344











44 則留言:

  1. 點解會冇行商場呢 ? 係咪日間已經行o左好多路,累呀 ?
    最左邊果隻小芥子有個洞的,係咩o黎架 ?

    回覆刪除
    回覆
    1. 我其實麻麻鍾意行街,嗰時好多時行都係因為老公鍾意周圍貢,而家佢冇去就冇動力自己行。

      刪除
    2. 有個洞的小芥子係牙籤筒, 我覺得幾得意就買咗 :)

      刪除
  2. 上次一個人出走除咗自己嘢外,食物都只係臨走响機場免稅店買咗兩盒返公司做手信
    藥物最好响東北買,舊年去仙台,青葉通商店街的藥店比東京平好多,東京太多人,加上宜家多強國人,好多藥店都唔齊貨,上次我响大阪心齋橋都係有缺貨情況
    晴天娃娃似乎蜻蜓最需要喎...

    回覆刪除
    回覆
    1. 哈哈,所以晴天娃娃有一隻就係佢既囉 :))

      刪除
    2. 如果知道東京買藥咁麻煩早知喺仙台買晒佢,我住間酒店轉角已經係藥房,仲係冇人買嘢添。

      刪除
    3. 尤其係如果你唔駛退稅的話真係唔駛响東京買

      刪除
    4. 藥品退稅只係得一單, 其餘因為唔齊貨唔夠五千所以冇得退.

      刪除
    5. 哈哈哈, 係人都知我需要晴天娃娃........

      刪除
    6. 哈哈, 我諗全部識你既人都知你需要晴天娃娃 >:)

      刪除
  3. 會津若松嗰個我都有,反宜小芥子我一隻都冇買過!宜家睇你啲相又覺得幾得意,你都算忍得手,我最鐘意行薬房見有新野出就買嚟試,買到連大當家都怕鬼左我!

    回覆刪除
    回覆
    1. 今次 target 係要去呢兩個地方買木公仔同紅牛,所以見到就買咗冇再行其他。
      同你相反好多時週圍去睇既係我老公,企喺門口等既係我。

      刪除
  4. 15kg都唔夠, 勁呀!
    小芥子好得意, 買嚟做手信都好喎, 下次去東北一定要加埋鳴子溫泉

    回覆刪除
    回覆
    1. 15kg對我黎講都好吃力,最後嗰日都情願摸黑早起去坐機場巴士都唔想拎住行李上上落落轉火車。
      因為睇得好多朋友去鳴子溫泉既小芥子,所以縱使夏天既鳴子唔係最靚都要去一趟。

      刪除
  5. 幾勁喎 , 夠晒大豐收 , 其實乜野係 "龍角散" ? 聽就聽得多 . XD

    回覆刪除
    回覆
    1. 今次唔算大豐收咯,因為鍾意買嘢嗰個冇去到 ^^
      喉嚨痛食龍角散好有效,香港有得賣不過好貴,所以好多人去日本都會買。

      刪除
    2. 對我嚟講原味白盒就最洒家,一盒白粉用羹勺,正爆又見效 :-bd

      刪除
    3. 原味白盒嗰盒止咳好有效, 屋企仲有未食晒 :)) 因為食少少已經好番.

      刪除
    4. 我食親白盒嗰隻都會俾啲粉"俗"親, 咳得仲勁, 哈哈.....

      刪除
    5. 呢啲咪叫做"置之死地而後生"等你咳晒出來 >:)

      刪除
  6. E, 我部 27吋 mon, 你仲未幫我買咩 :D

    回覆刪除
    回覆
    1. 你仲記得咩!我以爲可以側側膊添 ^^

      刪除
    2. 日本買 Leica 野平D嗎? 我睇好似唔係

      刪除
    3. 唔知架, 因為架 cheap cheap Leica C 既 accessory 香港好難買, 連專門店都冇, 所以至喺日本買咋.

      刪除
  7. 哎呀﹗茶々的手信比你們還要多呀^_^請問Snoopy的衫是要到專門店買?我好喜歡,可否給我地址﹗Thanks﹗

    回覆刪除
    回覆
    1. T恤在普通 Snoopy Town 已經有得賣, 唔貴架. 東京好多分店, 以下就係店舖地址.
      http://town.snoopy.co.jp/shoplist

      刪除
    2. 都好多分店呀,謝謝回覆﹗

      刪除
    3. 唔駛客氣, 希望你買到心頭好.

      刪除
  8. 十幾年前我養過隻狗,都係咁架。有時我買唔到手信比佢,返到家就即刻在櫃攞件一早買左但未比佢玩過既野,靜雞雞放在個喼內,扮野咁攞返出黎,佢不知幾開心。

    回覆刪除
    回覆
    1. 好"橋"喎, 不過都唔知點解啲狗咁精靈 ^^

      刪除
  9. Wow! 你這麼喜歡日本的東西!我好高興。
    ありがとうございます!!

    晴天娃娃好可愛!最近毎天下雨。我也需要那個東西!

    回覆刪除
    回覆
    1. 你好, Luna,
      好的東西人人都會喜歡, 日本的東西安全又新穎, 很多人都喜歡買.
      我的女兒現在也是在東京, 她都說每天下雨有點麻煩.

      刪除
    2. 對・・毎天下雨。而且3個颱風發生了!
      現在你的女兒住在東京嗎?

      刪除
    3. 我女兒working holiday 去了日本,現在在東京做工

      刪除
  10. 你買到個arm洗的leica套咁好~我老公最後買左porter x nikon的細袋仔當case算了XD
    買野食又好日用品又好塞爆個行李嘛XDD
    宜家連家居日用品日本都平過香港XD

    回覆刪除
    回覆
    1. 之前我老公上網搵咗好耐知道邊間有得賣,去到第一日即刻去買,因為網上都話"在庫殘少"
      估唔到我真係唔係咁鍾意買嘢,所以以為自己會買好多結果係乜都冇買 ^_^

      刪除
    2. 我諗你以前一定是買得太多買厭左啦~
      好似我地宜家咁~已經愈買愈少野食類

      刪除
    3. 其實每次去旅行都係我老公鍾意行街多啲, 好多時喺舖頭門口等嗰個係我 :D
      以前買食嘢主要買返黎俾個女食, 今次連呢啲都慳埋.

      刪除
  11. 哈哈,淨咗10kg俾埋我啦。我回程係咁塞嘢落喼,多咗一點幾kg, 地勤好嚴,要我抽番出嚟╮(╯_╰)╭

    回覆刪除
    回覆
    1. 雲哩那啲地勤好嚴,我除咗見佢地磅手提行李外仲攞尺度有冇 over size。
      哈哈,知道我同個哥哥仔講我嗰10kg幾日後至用啦 :))

      刪除
    2. Vanilla, peach 日本地勤都嚴,手提要過鎊先上機。有次手提10.1kg,佢笑笑口話大丈夫,無事。

      刪除
    3. 我件手提+背囊加埋都唔夠8kg佢叫我入去唔好再買嘢,因為我已經夠兩件喎。

      刪除
    4. 我都見有家人俾地勤咁勸喻。

      刪除
    5. 不過我見啲人啋啲地勤都儍,到上機時咪又係多過兩袋,跟住入閘時幾袋載埋一袋,至於有冇overload就已經冇得磅。

      刪除