2015年8月19日 星期三

18.6 青森 ~ 漫步弘前


二O一五年六月二十一日 (晴) 續

今天很早起來, 因為已經劃了十一時往仙台的指定席, 預算只有三小時多的時間要行畢弘前公園週邊, 將行李留在酒店便起行.
因為今天是星期日車站顯得冷冷清清.


路上幾乎沒有行人.




路邊也種植了薰衣草.



弘前犬附近的中央弘前站.



來到追手門廣場, 記得上次來到廣場的時候突然下起大雨, 逼不得已躲進弘前市立觀光館裡面避雨, 跟著趁雨勢稍稍緩和時便立即前往蘋果園, 完全沒有在這裡逗留過, 事後覺得有些可惜, 所以重來這裡是今次來弘前重點之一.


弘前市立觀光館, 上次在這裡困了個多小時, 星期日的關係這廣場變身跳蝨市場, 可惜只在準備中沒有機會逛逛.




舊東奧義塾外人教師館




ミ二チュア建造物, 現存只有五幢建築物.


舊弘前市立圖書館





青森銀行記念館





弘前昇天教會聖堂



日本基督教團弘前教會堂, 又遇著維修包起.



其餘剩下來的只是模型.











弘前 カトリック教會教會堂




戰國時代名將津輕為信像,
影這像時有段小插曲, 話說當時有位揸著七人車的司機探頭出來問知不知道這是誰, 一聽之下以為他揶揄不知道也影一餐, 後來才知道他也是從別處來觀光的, 幸好回來後找到他的名字.




弘前城入口



再次遇上大維修, 上次到姬路城遇上五十年一次的大維修, 今次是百年一遇, 幸好上次來時尚是完好無缺. 但今日天氣好得多.








不獲續牌的 ATV原來悄悄進軍日本 ::mm2065


雖然還有漏網的地方未去, 不過因為希望下午到達仙台所以是時候要折返車站, 餘下的或許還有第三次來弘前哩.


乘坐這"特急スーパー白鳥"到新青森再轉乘新幹線至仙台.




18.5 尋找弘前犬@弘前


18.7 踏足仙台 ~ 尋訪魯迅先生




25 則留言:

  1. 我估宜家要去東北先會少港人及大陸人,比較寧靜,始終311事件好多人對東北都仲未接受,舊年9月去青森仙台及新潟都好舒服

    回覆刪除
    回覆
    1. 嗰時円去到九算十算時個個推話驚輻射唔去, 而家又唔見啲人話驚!
      所以東北少港人同強國人行得好舒服, 尤其係去到福島縣既郡山同會津若松我諗仲更加少.

      刪除
    2. 咁啱311前一年我去過福島,相信磐梯高原、五色沼、大內宿、豬苖代依D著名景點更加唔會搵到港人同強國人,其實依D地方景色好靚,可惜...唉!

      刪除
    3. 佢地唔去仲好, 樂得清靜, 唔似喺東京咁聽到啲廣東話同刨冬瓜鬼鍊咁嘈, 唔明啲人講嘢點解要咁大聲.

      刪除
    4. 東京市內一定喇,仲有好多早幾前未多人去嘅地方,宜家成為旅遊熱點,近依兩年再去明顯地商業化咗好多,無咗以前嗰種簡樸寧靜感覺,相信宜家只有東北先仲可以維持原來樣貌因為無人去嘛..

      刪除
    5. 所以我都希望喺四國未完全淪陷之前去一轉.

      刪除
    6. >>嗰時円去到九算十算時個個推話驚輻射唔去, 而家又唔見啲人話驚!
      果時我都已經成日吋果d人架啦~~十算唔捨得去咪坦白d囉~~又唔會俾人笑~
      十算的確係貴丫~~~下下用幅射做擋箭牌~~宜家d人就仆倒咁去~~對果d人黎講yen平原來緊要過條命 lol

      btw~~就算雪祭弘前都唔會話好多人(據妹子說)

      刪除
    7. 我好憎啲人話驚輻射唔去日本,仲要用一種好特別既眼光黎睇我地呢啲成日去日本既人,如果話驚既,返大陸就真係驚。

      刪除
  2. 星期日車站顯得冷冷清清,我還以為會好熱鬧好多人添﹗

    回覆刪除
    回覆
    1. 可能嗰時得七點仲早, 未有咁多人,

      刪除
  3. 真係好靜喎! 座天守閣仲未搬

    回覆刪除
    回覆
    1. 吓, 乜座天守閣會搬? 咪好大工程 :-?

      刪除
    2. 係呀, 成座天守閣移開維修, 而家應該開始緊~
      "2015年8月~10月~2020年頃・・・天守移動(本丸中央部70m程)"

      刪除
    3. 移動成座天守閣簡直匪夷所思.

      刪除
    4. 成座姬路城拆散再砌番都得,搬開維修好小事 XD

      刪除
    5. 又唔覺得姫路城有拆散過?2010年尾去啱啱開始維修,2013年尾仲上過去睇佢整個頂。

      刪除
  4. 作者已經移除這則留言。

    回覆刪除
    回覆
    1. 嘻嘻, 真係揸住份地圖揾仔 :D
      明治天皇除左已前讀書講過明治維新外都唔知佢乜水, 直至上年喺天草果間酒店至知佢叫睦仁, 其實問一般人乜野係明治, 答案可能係朱古力, 奶粉或雪糕 :)

      刪除
    2. 嘻嘻, 係揸住份地圖揾屋仔 :)
      明治我識一個姓"三"既 :))

      刪除
  5. 嘩,估唔到咁少人。櫻花季節一出車站就周圍都係人。

    回覆刪除
    回覆
    1. 我諗如果冇乜特別 event 弘前都會好靜.

      刪除
    2. 我去兩次睡魔祭,日頭、中午都係好似相中咁少人。

      刪除
    3. 我今次傍晚同日頭都唔見到好多人,啲舖頭仲有好多冇開添。

      刪除
  6. 哈, 原來我無睇咁多篇??? >:)

    回覆刪除