2015年9月7日 星期一

18.8 宮城 ~ 綠油油的鳴子峽


二O一五年六月二十二日 (晴)

知道秋天的鳴子峽是最美的, 也知道在這個季節要往鳴子峽除了的士外是要兩條腿走路.

但我堅持要去的目的是要買小芥子, 對日本的木頭公仔情有獨鍾, 差不多每次見到靚的總會買上一隻, 上次東北銀山溫泉有買, 松島也有買, 偏偏就是沒有來鳴子買.

晨早八時從仙台出發到古川再轉車到鳴子溫泉站, 預計到達鳴子溫泉也要十時許, 回程劃了下午三時多的新幹線往郡山, 轉車的時間只有九分鐘, 通常要接新幹線的就只有幾分鐘, 既要出閘到 locker 拿回行李又要趕上月台找尋乘車位置, 總之稍有差池的話便要等上一小時多的下一班列車.


開往古川的列車, 其實只是十多分鐘的車程.


到達古川站將行李放進儲物箱還有差不多一小時才有車到鳴子溫泉, 到車站外四處走走.






到達鳴子溫泉站.



因為前往鳴子溫泉的路線經過很多無人站, 上車要拿整理券, 下車時在車頭要先在車上付款然後離開.


鳴子溫泉站.
在站內觀光案內所拿地圖附帶詢問前往小芥子館及鳴子峽的路線, 那小姐告知前往鳴子峽之後可以不用走回頭路到上一站的中山平溫泉站坐車方便很多, 問了全程大概需要兩小時左右, 覺得自己也可以應付得來於是便起行.




鳴子溫泉街週圍都是小芥子.













行了一段溫泉街後轉出國道47號, 初時以為前往鳴子峽整段是溫泉街或者鄉郊道路之類, 怎知原來是大貨車呼嘯擦身而過的國道, 有些路段甚至連窄窄的行人路也沒有, 整條路上人影都沒多一隻, 只有自己一個人戇居居地行行重行行.

行了一小時終於到達日本小芥子館.






館外也有小芥子, 不過館內連售賣小芥子的地方也禁止攝影.



皇太明神神社.



離開小芥子館又要返回國道47號, 行了半小時抵達鳴子峽.


這是鳴子峽著名的捕捉火車"捐"山窿熱門地點, 據說秋天龍友滿佈, 腳架插針難入, 但這時只有我一個人.
但可惜沒時間等待火車便要再次起行.











離開鳴子峽時是十二時半, 即是已經用了兩個半小時, 在中山平開出的火車是在兩點前, 其實還有差不多個半小時應該很充裕, 不過先前那位小姐說兩小時左右便可以行畢全程, 是我行得特別慢還是每處逗留的時間過長? 那裡也沒有指示前往中山平溫泉站需要的時間, 但行程始終要繼續因為行回頭路的話更不可行.

行了半小時左右終於望到中山平溫泉街, 不過這裡比鳴子溫泉街更靜, 連店舖都沒有開門營業, 起初以為可以在這裡吃午餐, 到頭來都是吃帶來的餅乾.





中山平溫泉站原來也是一個無人站.



乘客休息室.




後記:

今次差點擺了一個大烏龍, 因為在中山平溫泉站上車, 到下一站鳴子溫泉站原來已是終點, 要下車到另一月台轉車才可回古川, 而懵盛盛仍然坐在車內, 到發現車廂沒有人才恍然大悟, 幸好可以趕上, 若然趕不到的話, 下班車便要多等兩個多小時, 跟著也接不到預定的新幹線, 這麼的話便會很晚才到達郡山.

18.7 踏足仙台 ~ 尋訪魯迅先生

18.9 郡山市




311震災後很多出名的漫畫家都畫畫鼓勵災民。圖片正是銀魂作者空知 英秋(そらち ひであき/Sorachi Hideaki)的畫作。
內容中譯如下:「很多悲哀的事發生了,有時候痛苦到不能向前也是明白的。這時候不要執著了,看看你的周圍。大家都和你在一起,大家一步一步向前邁進吧!」

~ 原文來自主場博客文章 - 動漫的教育/Mayi

圖片來源:Flickr user:babylonx





32 則留言:

  1. 你有冇去過白石蔵王駅裡面的温麺の館?有好多東北地區唔同的こけし, 都幾得意.

    回覆刪除
    回覆
    1. 唔該晒 J少, 我未去過蔵王呀, 如果有機會一定去睇睇.

      刪除
    2. 因為我懶, 而且嗰個係新幹線駅.....
      都係順路經過睇, 鳴子嗰個就大好多.

      我屋企都有幾個こけし, 專買啲有簽名人手造嗰啲. eg. 銀山伊豆こけし工房

      刪除
    3. 未到小芥子館之前經過嗰啲体驗工房我都覺得好大.
      睇你講完之後睇番我啲公仔, 有啲底部寫住"邊度XX作", 有啲得個印章唔知算唔算呢 ?

      刪除
    4. 通常親手做的佢先會自己寫個大名落去, 亦有可能用印鑑.
      其實個價錢都反映咗, 太平嗰啲當然係量產.

      刪除
    5. 我買嗰啲通常唔係太貴, 不過鳴子買嗰兩隻係有簽名 :)

      刪除
    6. 你地講開我先知有簽名呢回事~於是望下2013年1月在銀山伊豆こけし工房買的兩個~真係有簽名(宜家先發現XD)

      刪除
    7. 我都係而家至知道公仔底部有簽名,以後買公仔都要留意吓。
      反而我喺銀山溫泉買嗰啲浄係得個印章。

      刪除
    8. 我好記得去伊豆こけし工房買嗰時, 二代目伊豆伯伯即時親手簽名同埋寫日期架, 好珍貴.
      另外山寺石山さん八十幾歲, 仲同佢傾咗幾句, 講吓講吓好想再去....

      刪除
    9. J少, 坐言起行想去就去 :)
      我買公仔嗰間係喺銀山溫泉街好入既, 嗰度都係有位老伯伯, 唔知係咪你地講嗰一間?

      刪除
    10. 依家 plan 都要排到 2018之後先有時間去... >_<
      銀山伊豆こけし工房在溫泉街得一間, 如果仲係老伯都肯定係二代目伊豆護老師.

      刪除
    11. 原來我自己寫過都唔記得....
      (廣告) http://www.maisiejackson.com/2011/09/blog-post_29.html

      刪除
    12. 嘻嘻, 睇番張相原來間店舖真係寫住伊豆護, 知道咁出名買多幾個啦.

      刪除
  2. 初時以為前往鳴子峽整段是溫泉街或者鄉郊道路之類, 怎知原來是大貨車呼嘯擦身而過的國道, 有些路段甚至連窄窄的行人路也沒有, 是不是車來車往?咁行咪好危險?不是秋天季節,真係遊客都吾多?

    回覆刪除
    回覆
    1. 係呀都幾牙煙! 有一刻鐘我都好想返轉頭 :(
      鳴子峽秋天會有巴士直到所以多人, 其他季節一係揸車去一係好似我咁行去所以遊客唔多.

      刪除
  3. 剛上星期二 NHK Journeys in Japan 講Naruko Onsen, 除左講有關木公仔製作外, 果位半唐番鬼妹仔都幾索 :D
    http://www3.nhk.or.jp/nhkworld/en/tv/journeys/journey_20150901.html
    你都買左幾個喎

    回覆刪除
    回覆
    1. 之前都有睇開 Journeys in Japan, 不過後來佢重播又重播好多都睇過所以就冇再睇, 原來有番新節目.
      木公仔自從第一次去日本開始見到靚既都會買, 而家都有十零隻 :P

      刪除
  4. 回覆
    1. 小芥子館嗰度啲小芥子有好多唔同師傅既作品, 花多眼亂有選擇困難 :D

      刪除
  5. 見到個小芥子,我淨係諗到以前好興嘅冬菇茶個鐵罐。

    回覆刪除
    回覆
    1. 乜野叫做冬菇茶,我好似未見過 :P

      刪除
    2. http://k-mannen.co.jp/scb/setup/img/DH4R1446.JPG

      刪除
    3. 我記得早年跟團去日本,導遊响車上有得賣,印象中我都好似買過送俾人,宜家唔知仲有無

      刪除
    4. 應該係上一世紀, 所以我好 surprise Fai 會知道有依啲古董.

      我跟團已經係賣貴野, 唔再賣零食手信依啲.

      刪除
    5. 原來係呢罐, 不過唔係古董, 2010年我喺姬路城附近買過一罐, 唔同顏色, 不過都幾貴, 冇記錯既話要600円.

      刪除
    6. 係上世紀買,今世紀我已經唔跟團了
      Fai哥可能係上世紀跟父母去日本見過
      不過我覺得宜家日本仲有得買,只不過少加上已經無乜遊客買了

      刪除
    7. 原來咁有歷史, 等我買咗返黎覺得啲茶包好難飲掉晒淨係留番隻罐.

      刪除
  6. 等我返去睇下我買嗰個有無簽名先... >:)

    回覆刪除
  7. 我行過果條又彎又斜的馬路,仲要我果日係落住雨嚟行,感覺既淒清又危險
    我都冇留意小芥子公仔下面添,不過好希望再去多次銀山溫泉,始終上次未能在那裡留宿一晚,總是有點遺憾 8->

    回覆刪除
    回覆
    1. 我都希望再去多次銀山溫泉, 上次即日來回都係太匆忙.

      刪除