2015年9月2日 星期三

Yama Dog ない山路行 ~ 山頂至薄扶林 & 瀑布灣


二O一五年七月三日

夏天天氣太熱行山比較辛苦, 行澗危險又不懂路線, 都是行水塘引水道等比較舒適和涼快.
香港島的水塘不多, 差不多已經行過, 今次選擇由山頂行落薄扶林是最短的一段, 行畢全程需時不用一小時, 因利成便回到老公的老家華富邨看看, 自從奶奶她們搬走後, 已經十幾二十年雖然偶有經過, 但沒有認真行過.

山頂廣場, 平日加上太早完全沒有遊客.





從山頂廣場旁有指示往薄扶林郊野公園.


遠景是薄扶林水塘.



路徑是林蔭小路, 雖然處於大暑天但行起來也不覺得太辛苦.




偶然經過小石澗巧遇一條小蜥蝪.




看樣子似乎不像野生的.





行至薄扶林只餘一刻鐘.





到達薄扶林水塘.






可能下次會選擇行去貝璐道.






有些熱帶風情的薄扶林道.


薄扶林村.




置富花園.


貝沙灣.


老公老家華富邨, 一直有傳言說將會清拆, 不過廿多年前女兒出世時奶奶因為方便照顧所以住在這裡一個月, 那時那座大樓已經千瘡百孔, 記得當時整天工程連想休息也不能, 但是竟然一拖廿多年還未清拆.



老家華樂樓.


部分樓宇用鐵架撐著.



這麼多年來第一次到瀑布灣公園.


對面是南丫島的三支煙囪和風車.









瀑布灣公園的瀑布, 上面是貝沙灣.







老牌冰室已經是拆一間少一間.












26 則留言:

  1. 由山頂向下行輕鬆呀﹗我都未去過華富村>_<

    回覆刪除
    回覆
    1. 係呀,落山係頗為輕鬆,我諗唔係住香港島既朋友去華富邨會係遠咗啲。

      刪除
  2. 我對果條薄扶林瀑布歷史有興趣, 因為開埠前洋船都會揾古喱去托水, 你正果位置百年前都可能有鬼佬睇瀑布 :D
    寶血小學係咪你另一半讀過?

    回覆刪除
    回覆
    1. 瀑布灣公園條瀑布嗰邊其實已經封咗係爬過欄杆入去 :P
      t 先生好心水清喎,我老公所有兄弟姊妹都喺華富邨寶血小學讀書,因為嗰度冇乜小學,好多住華富邨既細路都喺度讀。

      刪除
    2. 薄扶林瀑布, 今午已到此一遊 :)

      刪除
    3. 坐言起行喎,駛唔駛"擒"入去?

      刪除
    4. 除左擒入去外, 現場型勢所見其實仲有一招係碌落去, 簡單直接, 唔知有無人敢試 :D
      今日有好多種人, 大老有嫩, 有賓賓仲男女拍拖友亦有女女拍拖友:D

      刪除
    5. 咪人山人海囉?嗰度好細咁連搵位企都有難度 :))
      你揸車定坐車去?

      刪除
    6. 你估荒山野嶺咩, 有百萬名車坐仲有埋司機來回都係廿幾蚊直到邊洗自己揸車呀 :D
      想踏石頭過對面間石屋睇睇, 不過唔敢肯定潮漲定退.

      刪除
    7. 坐車咪要轉好多轉車,嗰度過海好似得一架隧巴。

      刪除
    8. 係喎行西隧嗰架,我淨係記住行紅隧嗰啲 :P

      刪除
    9. 西隧自己揸車就制唔過 :D

      刪除
  3. 行行下見到呢d小動物我應該會驚叫lol
    更不要說拍照lol

    回覆刪除
    回覆
    1. 條蜥蜴仔隔咗好遠架,如果近啲我諗我走得快過你 XD

      刪除
    2. 果條成尺長唔似蜥蝪仔啦, 以前喺新加坡公園踩單車, 見到條三四呎長蜥蜴喺條河邊曬太陽, 成條鱷魚咁款, 嚇到我走都走唔切 :D

      刪除
    3. N 年前去過新加坡既爬蟲公園, 其中蜥蜴園既蜥蜴係俾佢地周圍走, 老公同個女唔驚入去玩, 我喺外面腳都震埋, 偶然有漏網蜥蜴走出黎我都嚇到雞飛狗走.
      http://huinerissa.blogspot.hk/2011/08/2002-5.html

      刪除
    4. 我係喺我以前住果附近嘅公園條大渠見到, 唔係荒山野嶺亦唔係爬蟲公園, 咪話唔得人驚
      呢D咁嘅嘢, 比佢咬到仲慘過瘋狗症

      刪除
    5. 城市裡面有野生蜥蜴既咩?我以為蜥蜴全部都有人養, 就好似山頂見到嗰隻我都係諗住走失咗或者俾人放生.

      刪除
    6. 嘻嘻, 我有個朋友住東海岸, 有晚佢行番屋企途中喺草地踢中以為係電䌫, 睇清楚D原來喺條大蟒蛇, 嚇到佢叫救命 :D
      新加坡係亞熱帶地方, 草多樹多, 雨水多,大去水渠多, 呢D地方就容易有大型爬蟲類出現, 所以以前我叧行出馬路都唔行有草叢嘅行人路

      刪除
    7. 話時話香港行山我都見過幾次青竹蛇, 有時都唔會為意架.

      刪除
  4. 咁熱都行山,你係咪嗰種熱熱都唔出汗嘅人?

    我係嗰種朝早沖完涼,未出門口都出汗嘅大汗人。

    回覆刪除
    回覆
    1. 唔係呀, 我係"成吉思汗打仔" 大汗揼細汗架 :))
      不過想 keep 住有運動所以每個禮拜都會去行山, 專行水塘區唔會咁熱咁辛苦.

      刪除
  5. 瀑布灣公園我都未去過, 咁熱竟然無人玩水?

    回覆刪除
    回覆
    1. 瀑布灣要去都方便, 九龍中可以坐170 號隧巴.
      嗰度唔玩得水架, 好似都幾危險吓.

      刪除