2011年12月10日 星期六

14.7 感覺寧靜的富山市


二O一一年十一月八日 (晴)

經過昨晚的大雨後, 早上天氣晴朗, 吃過早餐後到富山站週邊逛逛, 順路步行至富山城, 雖然富山城不是太聞名, 但是既然來到富山, 行行也無妨.

住了兩晚的 Comfort Hotel, 比住慣的 Super Hotel 平, 而且較新, 無料早餐款式比較多, 美中不足是入住時已經開了中央暖氣, 房間氣溫不能自己調節. 比較不舒服.


富山站週邊.






 

散步至富山城公園.




現在的富山城已改為博物館.






路邊的欄杆也 cute 過人.



一個提倡踏單車的城市, 自動化的租單車服務, 可以一個地方拿車, 另一個地方交車, 全自動化, 不會担心無回頭, 一個人民質素高的地方, 換了在香港和祖國會怎樣?



富山也是一個有地面電車行走的城市.







Q版巴士.


電鉄富山站, 前往立山就是在這裡坐車.











14.6 人間絕景 - 室堂







6 則留言:

  1. 嘿 . . . 又系我. . ^O^ 富山市有興趣嘅4月都嚟得, 有櫻花 . .. 松川公園坐遊覽船賞櫻 . . . 正
    [版主回覆12/10/2011 13:34:06]又第一喎, 富山始終唔係咁就腳, 除非再去立山, 如果唔係, 應該再去既機會唔大.

    回覆刪除
  2. 日本啲酒店一開中央暖氣就好焗…我哋試過瞓到半夜熱醒,起身開窗,出面落緊雪,吹咗一陣先無咁熱!富山好舒服,小城鎮,悠閒整潔,但不落後!
    [版主回覆12/12/2011 09:13:11]開暖氣真係好焗, 想開窗但隻窗lock 住, 結果兩晚都好辛苦.富山我覺得都係靜左d, 因為就算去到總曲輪內d店舖都好早閂門.

    回覆刪除
  3. 今次我係九州都住左2晚Comfort hotel, 無料早餐較Super Hotel & 東橫Inn 豐富, 有我估唔到的羅宋湯意粉同冬甩 :p yummy~ 房間亦很舒適!
    [版主回覆12/12/2011 09:19:23]唔計佢地開暖氣, Comfort真係好住, 又平, 早餐又唔差, 我都係睇到小肥既post就即由東橫轉左黎.可能間間唔同, 富山果間就見唔到羅宋湯意粉同冬甩:(

    回覆刪除
  4. 我之前PLAN去沖繩, 都諗住住COMFORT HOTEL. 價錢真係好平. 不過免費機票好難訂. 所以無得去住.
    [版主回覆12/13/2011 09:07:33]Comfort Hotel 應該幾好o下, 富山果間好新, 除左中央暖氣自己房較唔到外, 其餘都唔錯, 如果再去的話, 應該會繼續住, 而家好多人去沖繩, 覺得離開日本本土遠d卦.

    回覆刪除
  5. 我宜家對東橫Inn感覺麻麻,上一次住已經係3年幾前,宜家如果要平都情願揀Super、Comfort,或者好少少嘅Dormy Inn、Route Inn、Royal Inn、Sunroute,再好D會住Richmond,其中有D無料早餐都好過東橫Inn好多。至於價錢,有D仲平過東橫,就算貴都未必貴好多囉。
    [版主回覆12/15/2011 09:08:50]就算而家通常自己駕車, 都鐘意搵酒店近火車站, 覺得比較熱鬧些, 同埋我好少搵一泊兩食既酒店, 始終我地唔係咁食魚生同魚類的料理, 近火車站搵食都易d.
    [Yan回覆12/14/2011 21:18:41]好同意兩位呢!東橫INN真係避得過就避,一來住到好悶,二來啲早餐真係唔吸引,Super、Comfort、Dormy Inn、Route Inn、Sunroute同Richmond全部住過都真係又好又唔太貴,Dormy Inn好多有大浴場(仲要係喺頂樓同環境幾靚嗰隻!)同夜鳴拉麵,Super 同Comfort就以平取勝,Richmond直頭幾高級添啦!不過真係要花啲時間喺網上周圍格吓價囉…樂趣嚟嘅…
    [3J 家庭回覆12/14/2011 19:49:59]其實三人行有時搵酒店都幾頭痛,好在我個仔都可以自己一個人一間房,所以如果真係搵唔到三人房,而價錢又唔太貴的話,我都會考慮book一間double加一間single,咁嘅話搵酒店會容易D。唔鍾意浸溫泉真係慳好多,一晚溫泉酒店可以住差唔多三晚business hotel,如果高級D仲唔只,不過我哋有時去到D溫泉區,都好想住番一兩晚溫泉酒店,浸吓溫泉食吓會席料理。
    [版主回覆12/14/2011 11:12:43]我都係好少住東橫, 除左佢地無三人房外, 最重要係我唔鐘意佢地d早餐, 而家知道埋 Comfort Hotel, 我諗以後都會揀 Super 同佢為主, 因為我地全家都唔係好鐘意浸溫泉, 所以住酒店方面慳好多.

    回覆刪除
  6. 日本D中央暖氣 , 唔知點解好熱架 , 如果開唔到窗 , 真係會好焗 . 呢個 "富山城" 都幾型仔喎 , 我鍾意 ~ ^_^ ~ 單車我都好耐冇踩過 , 你地有冇租車踩番兩轉 ? 電行車好有 "函館" Feel , Yeah !
    [版主回覆01/26/2012 09:04:20]所以冬天去日本最怕就係佢地d 暖氣, 車呀, 百貨公司呀, 一入去就要除衫. 單車呢, 好慚愧唔識踩. 我都好鍾意去有電車既地方, d 電車好靚.

    回覆刪除