二O一四年十一月二十一日
自從入秋以來每星期都帶同茶々行山, 如果只有我與茶々, 通常由小西灣龍躍徑開始最遠至砵甸乍山展望台便折返.
如果兩個人便會行遠一點, 試過行至大浪灣, 又試經過馬塘坳至大潭峽回柴灣, 今次實在天氣太好, 所以到大潭峽之後行上龍脊再到土地灣, 怎知到達山頂竟然有意外收穫, 遇上有人玩滑翔傘.
天朗氣清, 萬里無雲, 連飛得很高的飛機也看到.
由小西灣龍躍徑開始至哥連臣角道, 登上四百多級階梯, 回望藍灣半島和小西灣.
十字路口, 另一端至大浪灣, 我們行馬塘坳.
大潭峽.
近景是柴灣
從大潭峽至石澳山.
到達山頂.
遙望東龍島 |
有人預備玩滑翔傘, 這時有人後悔沒有帶 Df.
又有另一架.
龍脊,背景為柏架山 |
大浪灣海灘,背景為將軍澳 |
跟著前往土地灣回程.
石澳及大頭洲
石澳海灘 |
哥爾夫球場.
石澳鄉村俱樂部 |
再到石澳道, 然後坐小巴回程.
到達土地灣前經過一片竹林.
終於行左龍脊喇, 好好天, 茶茶熱到不停伸脷, 哈哈!! 下次挑戰邊一條線呢?
回覆刪除下次想由鰂魚涌行去大潭水塘,不過唔係好識路,又唔知道難唔難行,又唔知道行幾耐。
刪除今次上到頂都係問玩滑翔傘隔離個助手佢教我地點行落土地灣,如果唔係我地打算原路行返去架。
昨日算唔係太熱喇,上次行落大浪灣佢伸條脷仲長 :))
刪除作者已經移除這則留言。
刪除鰂魚涌行去大潭水塘要3-4粒鐘. 好易行, 只係條路好長, 景唔多, 較悶. 鰂魚涌地鐵站一出, 往市政街市方向, 上山既路就係. 好多人行.
刪除唔該晒小月, 下次試吓行鰂魚涌, 因為拖住隻狗太難行唔方便.
刪除你有無帶水比茶茶飲架?
回覆刪除水就記得帶, 如果唔記得週圍都有好多山水 :D
刪除但失策在唔記得帶少少食物俾佢, 因為行咗咁耐人都肚餓 :P
陰公呀!呢個係主人既錯。下次唔好喇。
刪除知道, 下次執野唔記得人都要記得狗 :))
刪除無錯,因為人肚餓會去買野食,而狗就只會等人比野佢食。
刪除係囉, 狗冇得去茶餐廳食餐蛋麵 =P~
刪除少見天朗氣清嘅香港秋天, 大小姐你好似用唉瘋乜仲要帶計步器?
回覆刪除咁靚既藍天香港的確少見,我唔係用唉瘋架,由好多年前開始係用Sony Ericsson 到今日都係用日本國既 Sony :)
刪除大小姐,我過兩日有事去東京,有無野要代購(輕便的)?
回覆刪除冇喇,唔該晒 コーさん。
刪除但係點解去唔到你個 blog ?
噢,原來已經一年,我唔記得renew koosan.pw。多謝提醒。
刪除乜要 renew 既咩?咁我地駛唔駛 renew?
刪除コーさん,你個 blog 係咪同我地嗰啲唔同?
刪除我個blog係自己名www.koosan.pw,唔係koosan.blogspot.hk。
刪除所以要每年renew,你地唔洗。
明白。
刪除已經睇到咯 :D
Koosan 又去日本? 買樓呀?
刪除唔係,買都買香港樓保值啲。
刪除コーさん 移民日本探路?
刪除唔係,好無聊的,你唔會信。
刪除費事係度講,我有我email?
刪除我真係大鄉里~原來香港有得玩滑翔傘!
回覆刪除我都係行到上去至知,但係原來好多人上去睇人玩。
刪除