2014年11月21日 星期五

Yama Dog 山路行 ~ 龍脊 (港島徑第八段)


二O一四年十一月二十一日

自從入秋以來每星期都帶同茶々行山, 如果只有我與茶々, 通常由小西灣龍躍徑開始最遠至砵甸乍山展望台便折返.
如果兩個人便會行遠一點, 試過行至大浪灣, 又試經過馬塘坳至大潭峽回柴灣, 今次實在天氣太好, 所以到大潭峽之後行上龍脊再到土地灣, 怎知到達山頂竟然有意外收穫, 遇上有人玩滑翔傘.

天朗氣清, 萬里無雲, 連飛得很高的飛機也看到.


由小西灣龍躍徑開始至哥連臣角道, 登上四百多級階梯, 回望藍灣半島和小西灣.


十字路口, 另一端至大浪灣, 我們行馬塘坳.





大潭峽.







近景是柴灣


從大潭峽至石澳山.




到達山頂.

遙望東龍島


有人預備玩滑翔傘, 這時有人後悔沒有帶 Df.














又有另一架.







龍脊,背景為柏架山

大浪灣海灘,背景為將軍澳


跟著前往土地灣回程.




石澳及大頭洲


石澳海灘

哥爾夫球場.

石澳鄉村俱樂部

再到石澳道, 然後坐小巴回程.



到達土地灣前經過一片竹林.



這次一共行了四個小時, 計步器顯示行了19,643步, 回家後茶々已經倦透倒頭便睡.

地圖







28 則留言:

  1. 終於行左龍脊喇, 好好天, 茶茶熱到不停伸脷, 哈哈!! 下次挑戰邊一條線呢?

    回覆刪除
    回覆
    1. 下次想由鰂魚涌行去大潭水塘,不過唔係好識路,又唔知道難唔難行,又唔知道行幾耐。
      今次上到頂都係問玩滑翔傘隔離個助手佢教我地點行落土地灣,如果唔係我地打算原路行返去架。

      刪除
    2. 昨日算唔係太熱喇,上次行落大浪灣佢伸條脷仲長 :))

      刪除
    3. 作者已經移除這則留言。

      刪除
    4. 鰂魚涌行去大潭水塘要3-4粒鐘. 好易行, 只係條路好長, 景唔多, 較悶. 鰂魚涌地鐵站一出, 往市政街市方向, 上山既路就係. 好多人行.

      刪除
    5. 唔該晒小月, 下次試吓行鰂魚涌, 因為拖住隻狗太難行唔方便.

      刪除
  2. 你有無帶水比茶茶飲架?

    回覆刪除
    回覆
    1. 水就記得帶, 如果唔記得週圍都有好多山水 :D
      但失策在唔記得帶少少食物俾佢, 因為行咗咁耐人都肚餓 :P

      刪除
    2. 陰公呀!呢個係主人既錯。下次唔好喇。

      刪除
    3. 知道, 下次執野唔記得人都要記得狗 :))

      刪除
    4. 無錯,因為人肚餓會去買野食,而狗就只會等人比野佢食。

      刪除
    5. 係囉, 狗冇得去茶餐廳食餐蛋麵 =P~

      刪除
  3. 少見天朗氣清嘅香港秋天, 大小姐你好似用唉瘋乜仲要帶計步器?

    回覆刪除
    回覆
    1. 咁靚既藍天香港的確少見,我唔係用唉瘋架,由好多年前開始係用Sony Ericsson 到今日都係用日本國既 Sony :)

      刪除
  4. 大小姐,我過兩日有事去東京,有無野要代購(輕便的)?

    回覆刪除
    回覆
    1. 冇喇,唔該晒 コーさん。
      但係點解去唔到你個 blog ?

      刪除
    2. 噢,原來已經一年,我唔記得renew koosan.pw。多謝提醒。

      刪除
    3. 乜要 renew 既咩?咁我地駛唔駛 renew?

      刪除
    4. コーさん,你個 blog 係咪同我地嗰啲唔同?

      刪除
    5. 我個blog係自己名www.koosan.pw,唔係koosan.blogspot.hk。

      所以要每年renew,你地唔洗。

      刪除
    6. Koosan 又去日本? 買樓呀?

      刪除
    7. 唔係,買都買香港樓保值啲。

      刪除
    8. コーさん 移民日本探路?

      刪除
    9. 唔係,好無聊的,你唔會信。

      刪除
    10. 費事係度講,我有我email?

      刪除
  5. 我真係大鄉里~原來香港有得玩滑翔傘!

    回覆刪除
    回覆
    1. 我都係行到上去至知,但係原來好多人上去睇人玩。

      刪除