二O一八年六月十九日 & 二十二日 (晴)
這次飛十一時不需要摸黑出門, 施施然吃了早餐餵狗餵龜淋花然後到中環預辦登機, 今次沒有手提行李只有背囊一個輕輕鬆鬆到機場.
飛行圖出現一個名為新九龍的地方 !?
首爾時間二時許到達仁川機場, 入境旅客之多嚇了一跳, 取回行李出閘望望女兒的航班已經著陸.
金盞花高級酒店 (Premier Marigold Hotel, Seoul)
房間很大就是開兩隻喼都有路可行.
女兒笑說放馬桶的地方已經是日本酒店整個浴室.
酒店附近.
弘益大學.
就是平日入夜後都有小販攤檔擺賣, 再行遠些還有類似西洋菜街的街頭表演, 很多粉絲在場打氣.
眨眼又到回程日.
女兒二時多已經 check in 入閘, 自己呆等到九時才可以 check in.
仁川機場的出境大堂有點像羽田.
終於登機了, 回到香港是午夜二時多, 初時預算留在機場等頭班機鐵回家, 後來老公冒著黃雨出門帶同茶々接機, 不過到家也要四時多.
在今次首爾之行雖然見識不到給韓國人撞的經驗, 但是便見到不同的打尖與排隊方式, 在入境時旅客之多是從來在入境日本時未見過, 還未來到外國旅客排隊入境區域前已經有大堆人緩緩前進, 各人都是跟著這堆人前進, 有時會見到工作人員截一截人龍停一停, 忽然聽到前面有廣東話說駛乜咁排喎, 前面有缺囗入來, 一副得意的模樣, 偷雞都好似理所當然.
第二次是在首爾塔離開時排隊坐升降機回地面, 圍欄內是兩人一排, 我們還未到有圍欄區域一前一後地行, 突然旁邊攝了一對中年夫婦跟我們一起排, 明明這兩人不是在我們後面的, 之後聽到那女人跟男人說這裡是兩人排的, 我於是跟女兒說咁都得, 只見那女人仍然面懵懵.
入地鐵車廂排隊是常識吧, 有次列車剛停下來, 在我們後面說普通話的兩個女人未等車內乘客下車已經一支箭進入坐下, 下車的韓國男人呆一呆, 不過那不是強國人而似是台灣人.
終於在出境見識到強國式排隊, 排隊安檢時很多人, 後面那強國女人一路黐住行, 無奈人龍太長始終甩不開, 分龍時她始終跟著令人很不舒服. 到出境過移民局時有兩位黑人女人插隊在前面, 打尖是不分國籍, 唯一相同的是她們都是面懵懵的.
漏講在機場見到有個女人戴帽子戴黑超滿面都貼上膠布！唔知道怎樣出境 ?
我坐凌晨機當時得一班機到雖然要排隊但唔多人，其實韓國人自己都唔守規矩，所以好多人去到會覺得理所當然
回覆刪除今次去韓國又唔係好見到韓國人唔守規矩既一面, 去之前好多人講韓國大媽講野好嘈等等負面評語但去到又唔多覺.
刪除反而見到韓國女仔真係好白, 腿好長, 身材均勻, 我個女話日本女仔點都比唔上, 同埋覺得韓國人身材都高, 好多時地鐵的吊扶手都係啱啱好握到.
街景似台北。韓國人無禮貌呢家嘢就响東南亞見得多。無論後生女定大媽不時掹大喉嚨講嘢。棟腳食早餐亦例牌。
回覆刪除反而廣州、深圳上海搭地鐵啲人都好守禮。
係呀，首爾俾我既印象係勁似台北。
刪除有時唔明啲人點解要大聲咁講嘢，自己啲嘢仲乜要俾其他人知 😧
大陸廿幾年冇去過咯所以唔係太知，但係嚟香港同去日本嗰啲好多都唔知咩叫禮貌。
飛行圖出現一個名為新九龍的地方咁攪野？會唔會係新界和九龍咁啱重疊左呢？
回覆刪除但係飛行圖好多時係城市名，一間飛國際既航空公司無理由犯啲低級錯誤。
刪除我本來就係你所講既諗法架。後來就換另一個角度去睇，睇下work 唔work囉。 講真，而家我都覺得出現啲咁既錯誤係唔掂囉。
刪除喺咪大陸將一個地名改咗做新九龍, 佢地好鍾意將受歡迎既地標抄過去用XD
刪除new kowloon望過好多次，我淨係知道真係有個商場叫新九龍廣場…XDDD
回覆刪除咁可能係機上設備好精準，連一個商場都標示得出噃。
刪除哈哈哈XDDD !
刪除